Barca មិនអាចបើកទ្វា Camp Nou ទទួលក្រុម Real Sociedad បាននោះទេ ដោយសារតែ

បរទេស៖ ប្រធានក្លឹបលោក Joan Laporta និងអនុប្រធានផ្នែកស្ថាប័នលោកស្រី Elena Fort បានសម្តែងសុទិដ្ឋិនិយមកាលពីថ្ងៃអង្គារថាការអនុម័តនឹងទទួលបាន ប៉ុន្តែការរំពឹងទុករបស់ពួកគេមិនបានសម្រេចនោះទេ។ យោងតាមកាសែត Sport បានឱ្យដឹងថា ក្រុមប្រឹក្សាក្រុងបានលើកឡើងពីវិធានការសុវត្ថិភាពជាហេតុផលចម្បងសម្រាប់ការបដិសេធនេះ។

អនុបាលក្រុងលោកស្រី Laia Bonet បានប្រាប់ប្រព័ន្ធផ្សព្វផ្សាយក្នុងស្រុកថា ខណៈពេលដែលការជួសជុលកីឡដ្ឋានជិតរួចរាល់ហើយ មន្ត្រីមិនអាចអនុញ្ញាតឱ្យអ្នកគាំទ្រចូលបានដោយគ្មានការអនុលោមតាមស្តង់ដារសុវត្ថិភាពពេញលេញនោះទេ។

លោកស្រី Bonet បាននិយាយថា៖ “យើងស្ថិតនៅចុងបញ្ចប់នៃដំណាក់កាលទីមួយ ដែលនឹងឈានដល់ការផ្តល់អាជ្ញាបណ្ណ ប៉ុន្តែយើងត្រូវតែធានាថាគ្រប់លក្ខខណ្ឌសុវត្ថិភាពទាំងអស់ត្រូវបានបំពេញ”។ “យើងចែករំលែកបំណងប្រាថ្នារបស់ក្រុម Barça សម្រាប់ការត្រលប់មកវិញដោយជោគជ័យ និងឆាប់រហ័ស។ ប៉ុន្តែក្រុមប្រឹក្សាក្រុងនេះត្រូវតែធានាសុវត្ថិភាពរបស់អ្នកគាំទ្រ។ នេះគឺជាអាទិភាពរបស់យើង។ យើងត្រូវតែធានាថាអ្នកបច្ចេកទេសអាចធ្វើការដោយម៉ឺងម៉ាត់”។

ប្រភពក្រុមប្រឹក្សាក្រុងដែលមិនបញ្ចេញឈ្មោះបានរៀបរាប់លម្អិតបន្ថែមទៀតអំពីបញ្ហាដែលរារាំងការផ្តល់ភ្លើងខៀវ។

ប្រភពនោះបាននិយាយថា៖ “យើងស្ថិតនៅក្នុងដំណាក់កាលផ្ទៀងផ្ទាត់”។ “ទាំងនេះគឺជាកង្វះខាតជាចម្បងនៅក្នុងច្រកចេញសម្រាប់ជម្លៀស និងការបោសសម្អាតកីឡដ្ឋាន។ មានការខកខានក្នុងការអនុលោមតាមបទប្បញ្ញត្តិ។ ក៏មានបញ្ហាការប្រើប្រាស់ផងដែរ ដែលប៉ះពាល់ដល់សុវត្ថិភាពចរាចរណ៍ជម្លៀស៖ ស្លាកសញ្ញាមិនល្អ របងដៃ ជណ្តើរដែលមិនទាន់រួចរាល់។ ការប្រើប្រាស់សម្រាប់យានយន្ត… ប៉ុន្តែមានការងារជាច្រើនត្រូវបានធ្វើ ហើយយើងមិនរំពឹងថាវានឹងក្លាយជាដំណើរការយូរអង្វែងនោះទេ។ វាមិនមែនជាចំនួនដ៏ធំសម្បើមនោះទេ ប៉ុន្តែយើងគិតថាយើងអាចដោះស្រាយវាបានយ៉ាងឆាប់រហ័ស”។

ជាមួយនឹងកីឡដ្ឋាន Camp Nou ដែលមិនទាន់អាចប្រើប្រាស់បាន ក្រុម Barcelona បានបញ្ជាក់ថាការប្រកួតបន្ទាប់របស់ពួកគេនឹងត្រូវធ្វើឡើងនៅកីឡដ្ឋាន Estadi Olímpic Lluís Companys នៅ Montjuïc។ ក្រុមយក្សកាតាឡាននឹងធ្វើជាម្ចាស់ផ្ទះទទួលក្រុម Real Sociedad នៅរាត្រីថ្ងៃអាទិត្យនៅកីឡដ្ឋាន Montjuïc ខណៈដែលសមាគម UEFA បានបញ្ជាក់រួចហើយថាការប្រកួត Champions League ទល់នឹងក្រុម Paris Saint-Germain នៅថ្ងៃទី ១ ខែតុលា ក៏នឹងធ្វើឡើងនៅទីនោះផងដែរ។

ខណៈដែលកាលបរិច្ឆេទបើកឡើងវិញពិតប្រាកដនៅតែមិនច្បាស់លាស់ ទាំងក្លឹប និងក្រុមប្រឹក្សាក្រុងសុទ្ធតែមានបំណងចង់ឱ្យមានដំណោះស្រាយ។ ក្រុម Barcelona មានការប្តេជ្ញាចិត្តក្នុងការត្រលប់ទៅកីឡដ្ឋានប្រវត្តិសាស្ត្ររបស់ពួកគេវិញភ្លាមៗនៅពេលដែលការត្រួតពិនិត្យសុវត្ថិភាពចុងក្រោយត្រូវបានអនុម័ត ប៉ុន្តែរហូតដល់ពេលនោះ Montjuic នឹងដើរតួជាកីឡដ្ឋានបណ្តោះអាសន្នសម្រាប់ការប្រកួតក្នុងស្រុក និងការប្រកួតនៅទ្វីបអឺរ៉ុប៕