បរទេស៖ កីឡាករ Kane បានរងរបួសកែងជើង ហើយត្រូវត្រូវបានប្តូរចេញនៅនាទីទី ៨៥ បន្ទាប់ពីមានការប្រកួតប្រជែងដណ្តើមបាល់ពីកីឡាករ Kaua Santos។ គាត់បានវិលត្រឡប់មកទីលានវិញពីរបីវិនាទី មុនពេលដែលលោក Vincent Kompany បានប្តូរគាត់ចេញជាមួយកីឡាករ Nicolas Jackson ដើម្បីការពារប្រធានក្រុមជម្រើសជាតិអង់គ្លេសរូបនេះ។
ថ្លែងប្រាប់អ្នកយកព័ត៌មានក្រោយការប្រកួត កីឡាករ Kane បាននិយាយថា៖ “ខ្ញុំមិនអីទេ។ វាគ្រាន់តែជាការប៉ះទង្គិចដល់ឆ្អឹង។ ខ្ញុំធ្លាប់មានវាប៉ុន្មានសប្តាហ៍មុន ហើយថ្ងៃនេះវានៅកន្លែងដដែល។ ពីរបីថ្ងៃទៀត វានឹងជាហើយ”។
នៅពេលត្រូវបានគេសួរថាតើគាត់នឹងចូលរួមជាមួយក្រុមជម្រើសជាតិអង់គ្លេសនៅថ្ងៃច័ន្ទដែរឬទេ តារាឆ្នើមក្រុម Three Lions រូបនេះបានបន្ថែមថា៖ “បាទ ខ្ញុំនឹងនៅទីនោះនៅថ្ងៃច័ន្ទ”។
ខ្សែប្រយុទ្ធដ៏ឆ្នើមរូបនេះ បានស៊ុតបញ្ចូលទីគ្រាប់ទីពីរសម្រាប់ក្រុមរបស់គេ ត្រឹមតែបីនាទីមុនកន្លះម៉ោងនៃការប្រកួត ជាមួយនឹងការស៊ុតដ៏អស្ចារ្យ។ ក្នុងពេលជាមួយគ្នានោះ គាត់បានក្លាយជាកីឡាករដំបូងគេក្នុងប្រវត្តិសាស្ត្រដែលរកបាន ១១ គ្រាប់ ក្នុងការបង្ហាញខ្លួន ៦ លើក ក្នុងលីគក្នុងរដូវកាលមួយ។ អតីតតារាឆ្នើមក្រុម Liverpool កីឡាករ Luis Diaz ក៏មានទម្រង់លេងដ៏អស្ចារ្យផងដែរ ខណៈដែលគាត់បានរួមចំណែករកបាន ២ គ្រាប់។
លោក Thomas Tuchel នឹងធូរស្រាលបានខ្លះ បន្ទាប់ពីសេចក្តីថ្លែងការណ៍របស់ Kane ខណៈដែលលោកត្រូវការប្រធានក្រុមរបស់លោកឱ្យមានកាយសម្បទាល្អបំផុត មុនពេលក្រុមអង់គ្លេសត្រូវប៉ះក្រុម Wales ក្នុងការប្រកួតមិត្តភាពនៅថ្ងៃទី ៩ ខែតុលា មុនពេលប៉ះក្រុម Latvia ក្នុងការប្រកួតជម្រុះ World Cup ប្រាំថ្ងៃក្រោយមក៕
