បរទេស៖ កីឡាករ Borja Mayoral របស់ក្លឹប Getafe បានបង្ហាញការភ្ញាក់ផ្អើលចំពោះរឿងដែលក្លឹប Arsenal ចង់បានគាត់នៅខែមករានេះ។ ក្រោយមានទម្រង់លេងមិនសូវល្អ ក្រុមកាំភ្លើងធំកំពុងតាមដាននៅខ្សែប្រយុទ្ធក្នុងទីផ្សារដោះដូរកីឡាករ។ ហើយឈ្មោះរបស់កីឡាករ Mayoral បានក្លាយជាកីឡាករដែលត្រូវលើកយកមកពិចារណា។ ទោះជាយ៉ាងណា លោកបានទទួលស្គាល់ថា លោកមិនបានដឹងអំពីការចាប់អារម្មណ៍នោះទេ។
ថ្លែងទៅកាន់ប្រព័ន្ធផ្សព្វផ្សាយ កីឡាករ Mayoral បាននិយាយថា៖ “វាជាព័ត៌មានដែលធ្វើអោយខ្ញុំភ្ញាក់ផ្អើលផងដែរ។ ខ្ញុំមិនបាននិយាយជាមួយក្លឹប ឬភ្នាក់ងាររបស់ខ្ញុំទេ។ ខ្ញុំផ្តោតខ្លាំងលើ Getafe ពីមួយថ្ងៃទៅមួយថ្ងៃ”៕
