បរទេស៖ ព័ត៌មានចចាមអារ៉ាមរវាងក្លឹប Manchester Unite នឹងខ្សែការពារ Jarrad Branthwaite កាន់តែខ្លាំងក្នុងប៉ុន្មានសប្តាហ៍ថ្មីៗនេះ ដោយក្លឹបបិសាចក្រហមត្រូវការពង្រឹងនៅតំបន់ការពាររបស់ខ្លួន ក្រោយយុទ្ធនាការមិនល្អនៅ Premier League និងការចាកចេញពីរបស់កីឡាករ Raphael Varane។
នេះបើយោងតាមការចេញផ្សាយរបស់ Liverpool Echo បានអោយដឹងថាក្លឹប “រំពឹង” ថានឹងអាចបញ្ចប់ការផ្ទេរយកខ្សែការពារកណ្តាលនេះអោយបានមុនថ្ងៃទី៣០ ខែមិថុនា ខណៈខាងក្លឹប Everton ត្រូវការប្រមូលថវិកានៅថ្ងៃនោះដូចគ្នា ដើម្បីបំពេញតាមការសន្យាប្រាក់ចំណេញ និងនិរន្តរភាពរបស់ពួកគេ៕
