Liverpool មិនបោះបង់ចោលគំនិតចង់បាន Anthony Gordon នោះទេ

បរទេស៖ ទម្រង់លេងដ៏គួរឱ្យចាប់អារម្មណ៍របស់កីលាករ Gordon សម្រាប់ក្លឹប Newcastle កាលពីរដូវកាលមុន ក្រោយគាត់បានផ្ទេរមកពីក្លឹប Everton ក្នុងតម្លៃ ៤០លានផោន កាលពីខែមករា ឆ្នាំ២០២៣ បានធ្វើអោយគាត់ទទួលបានកៅអីមួយនៅក្នុងក្រុមជម្រើសជាតិអង់គ្លេសក្នុងព្រឹត្តិការណ៍ Euro ២០២៤ ។ នេះបើយោងតាមការចេញផ្សាយរបស់អ្នកកាសែត Kevin Palmer បានអោយដឹងថាតម្លៃដល់ខ្ពស់របស់កីឡាករក្លឹប Newcastle រូបនេះ បានបង្កជាឧបសគ្គធំមួយក្នុងការចរចាផ្ទេរនឹងក្លឹប Liverpool ហើយក្លឹបហង្សក្រហមបានដឹងថាការទិញ Gordon នឹងទាមទារអោយក្លឹបចំណាយប្រាក់យ៉ាងច្រើន។

អ្នក​ចាត់​ការ​ក្រុម Newcastle លោក Eddie Howe បាន​និយាយ​មិន​ច្បាស់​លាស់​អំពី​គោល​ជំហរ​របស់​លោក​ចំពោះ​អនាគត​របស់កីឡាករ Gordon។ ទាក់ទងនឹងពាក្យចចាមអារ៉ាមអំពីការផ្ទេរដ៏មានសក្តានុពលទៅកាន់ក្លឹប Liverpool លោក Howe បានសង្កត់ធ្ងន់ថាក្លឹប Newcastle មិនមានចេតនាលក់កីឡាករសំខាន់ៗរបស់ពួកគេទេ។

លោក Howe បាននិយាយនៅពេលគាត់រង់ចាំការវិលត្រឡប់របស់កីឡាករពីថ្ងៃឈប់សម្រាក បន្ទាប់ពីព្រឹត្តិការណ៍ Euro ២០២៤ ថា៖ “ខ្ញុំនឹងស្វាគមន៍ Anthony ត្រឡប់មកវិញជាមួយនឹងដៃបីប្រសិនបើខ្ញុំមានពួកគេ។ គាត់គឺជាផ្នែកសំខាន់មួយនៃអ្វីដែលយើងកំពុងធ្វើ”។

“គាត់តែងតែជា Anthony Gordon ដែលបានផ្តល់ឱ្យនូវអ្វីគ្រប់យ៉ាង ហើយពិតប្រាកដដល់ក្លឹប Newcastle ហើយខ្ញុំចង់បញ្ជាក់ឱ្យច្បាស់ទៅកាន់អ្នកគាំទ្ររបស់យើង។ កីឡាករ Anthony ត្រូវការសម្រាកបន្តិច។ ប៉ុន្តែនៅពេលដែលគាត់ត្រលប់មកវិញ គាត់នឹងត្រៀមខ្លួនជាស្រេចដើម្បីលេងបន្តទៀត។ គាត់គឺជាកីឡាករសំខាន់សម្រាប់យើង។ យើងមិនចង់បាត់បង់នរណាម្នាក់ទេ។ ហេតុអ្វីបានជាយើងចង់បាត់បង់កីឡាករល្អបំផុតរបស់យើង។ ការ​សម្រេច​ចិត្ត​ត្រឹម​ត្រូវ ប៉ុន្តែ​ប៉ុន្មាន​សប្តាហ៍​ចុង​ក្រោយ​នេះ វា​ពិត​ជា​ពិបាក​ខ្លាំង​ណាស់”។

អ្នកកាសែត Palmer បានអះអាងដែរថា Gordon មានបំណង់ចង់ផ្ទេរទៅកាន់ Anfield ខណៈគាត់ជាអ្នកគាំទ្រវិរៈបុរសរបស់ក្លឹប Liverpool លោក Steven Gerrard កាលពីគាត់នៅក្មេង។ ទំនាក់ទំនងផ្ទាល់ខ្លួននេះជំរុញឱ្យក្លឹបហង្សក្រហមមានសុទិដ្ឋិនិយមដែលថា Gordon អាចចូលរួមជាមួយក្រុមខ្លួន៕