បរទេស៖ នេះបើយោងតាមការចេញផ្សាយរបស់លោក Fabrizio Romano បានអោយដឹងថាក្លឹប Barcelona បានយល់ព្រមក្នុងការចុះហត្ថលេខាជាមួយកីឡាករ Dani Olmo បន្ទាប់ពីបេសកកម្មនៅ Leipzig។
អ្នកស៊ុតបញ្ចូលទីច្រើនជាងគេក្នុង Euro ២០២៤ គ្រោងនឹងចុះហត្ថលេខាជាមួយក្លឹប Barça ខណៈការព្រមព្រៀងបានយល់ព្រមនៅក្នុងការប្រជុំរវាងភ្នាក់ងាររបស់កីឡាករ និងក្លឹបទាំង២។ បេសកកម្មដ៏សំខាន់នេះ គឺមាននាយកក្លឹប Barca លោក Deco នៅ Leipzig ថ្ងៃនេះ។
កីឡាករ Olmo បានយល់ព្រមចុះហត្ថលេខាលើកិច្ចព្រមព្រៀងរយៈពេល ៦ឆ្នាំរហូតដល់ខែមិថុនា ឆ្នាំ២០៣០ ដូចដែលបានបង្ហាញកាលពីសប្តាហ៍មុន។ តម្លៃផ្ទេរប្រមាណ ៥៥លានអឺរ៉ូ បូកនឹងតម្លៃបន្ថែម ៧លានអឺរ៉ូ ទៅកាន់ក្លឹប Leipzig៕
