បរទេស៖ កីឡាករជម្រើសជាតិអង់គ្លេសបានចាប់ផ្តើមជាមួយ Jonny Evans ក្នុងការប្រកួតក្របខ័ណ្ឌ Premier League របស់ Man Utd ទល់នឹង Aston Villa កាលពីថ្ងៃអាទិត្យ ប៉ុន្តែពេលវេលារបស់គាត់នៅលើទីលានមានរយៈពេលខ្លី។ កីឡាករ Maguire ត្រូវបានគេជួយនាំចេញពីទីលាននៅតង់ទីមួយ ហើយមិនអាចត្រលប់មកជួយក្រុមវិញនៅ ៤៥នាទីបន្ទាប់បាននោះទេ។
កីឡាករវ័យ ៣១ ឆ្នាំបានបញ្ជាក់លើបណ្តាញសង្គមថាគាត់កំពុងប្រឈមមុខនឹងការសម្រាករយៈពេលយូរដោយសាររបួស។ ដំណឹងនេះកើតឡើងជាការវាយប្រហារដ៏ធំមួយសម្រាប់ក្រុមបិសាចក្រហមដែលកំពុងជួបបញ្ហា ស្របពេលកីឡាករចំណូលថ្មី Leny Yoro ក៏កំពុងស្ថិតក្នុងបញ្ជីរបួសដូចគ្នា។
កីឡាករ Maguire បានបង្ហោះនៅក្នុងបណ្តាញសង្គម Instagram ដើម្បីចែករំលែកអំពីព័ត៌មានថ្មីៗជុំវិញស្ថានភាពបច្ចុប្បន្នរបស់គាត់ ខណៈដែលគាត់បានសរសេរថា៖ “មានការខកចិត្តក្នុងការរងរបួសកាលពីចុងសប្តាហ៍ ហើយខ្ញុំត្រូវសម្រាក់រយៈពេល ២-៣សប្តាហ៍ ប៉ុន្តែខ្ញុំនឹងត្រលប់មកវិញជាមួយភាពរឹងមាំ”។
កាលពីថ្ងៃអង្គារ៍កន្លងទៅ INEOS Group និងក្លឹប Man Utd បានធ្វើការប្រជុំបន្ទាន់មួយដើម្បីពិភាក្សាអំពីទម្រង់លេងមិនល្អរបស់ខ្លួន និងអនាគតរបស់អ្នកចាត់ការ Erik ten Hag នៅ Old Trafford។ ការប្រកួតបន្ទាប់របស់ Man Utd នឹងធ្វើឡើងទល់នឹងក្រុម Brentford នៅថ្ងៃទី១៩ ខែតុលា៕
