បរទេស៖ អ្នកចាត់ការក្លឹប Newcastle United លោក Eddie Howe បានសារភាពថាគាត់មិនអាចធានាថាក្លឹបនឹងជៀសវាងការលក់កីឡាករក្នុងអំឡុងពេលទីផ្សារដោះដូរកីឡាករខែមករានោះទេ ខណៈដែលពួកគេបន្តជួបប្រទះនៅច្បាប់ទាក់ទងនឹងប្រាក់ចំណេញ និងនិរន្តរភាពនៃក្របខ័ណ្ឌ Premier League (PSR)។
លោក Howe បាននិយាយថា៖ “នៅពេលដែលក្រុមមិនលក់កីឡាករ គឺលុះត្រាតែចំណូលរបស់អ្នកមានច្រើន។ ដូច្នេះខ្ញុំគិតថា លំហូរចំណូលរបស់យើងមិនមែនជាកន្លែងដែលយើងចង់បាននោះទេ។ យើងកំពុងព្យាយាមបង្កើនចំណូល ដូច្នេះខ្ញុំគិតថាការលក់កីឡាករចេញ និងចូល នឹងមានសារៈសំខាន់ សង្ឃឹមថាវានឹងមិនមែនជាកីឡាករដែលយើងត្រូវបានបង្ខំឱ្យលក់ដូចដែលយើងស្ថិតក្នុងស្ថានភាពនោះ (ក្នុងរដូវក្តៅ) ជាមួយនឹងពេលវេលាកំណត់ពីរបីថ្ងៃជិតបញ្ចប់ទីផ្សារដោះដូរ។ សង្ឃឹមថា វានឹងមានស្ថានភាពល្អ ប៉ុន្តែអ្នកមិនអាចធានាអ្វីទាំងអស់។ គ្មានអ្វីត្រូវបានកំណត់ ១០០%នោះទេ ហើយវានឹងមានការផ្លាស់ប្តូរជាច្រើន”៕
