បរទេស៖ កាលពីរដូវក្តៅមុន ក្រុមហ៊ុន Friedkin Group ដែលជាម្ចាស់ក្លឹប Roma ហើយត្រូវបានដឹកនាំដោយមហាសេដ្ឋីអាមេរិក Dan Friedkin បានខិតជិតក្នុងការទិញយក្លឹប Everton ។ យ៉ាងណាមិញ កិច្ចព្រមព្រៀងបានត្រលប់មកវិញក្នុងរយៈពេលប៉ុន្មានខែចុងក្រោយនេះ ហើយឥឡូវនេះត្រូវបានបញ្ចប់ហើយ។
ចាប់តាំងពីឈានដល់កិច្ចព្រមព្រៀងទិញភាគហ៊ុនរបស់ Farhad Moshiri នៅក្នុងក្លឹប នៅពេលនេះក្រុមហ៊ុន Friedkin Group បាននឹងកំពុងឆ្លងកាត់ដំណើរការបទប្បញ្ញត្តិដើម្បីអនុម័តការកាន់កាប់របស់ពួកគេ។ ឥឡូវនេះ Premier League បានផ្តល់ការយល់ព្រមតាមបទប្បញ្ញត្តិរបស់ខ្លួនចំពោះកិច្ចព្រមព្រៀងដែលបានធ្វើឡើងរវាងក្រុមហ៊ុន Blue Heaven Holdings របស់ Moshiri និង Friedkin Group ដែលអនុញ្ញាតឱ្យកិច្ចព្រមព្រៀងនេះដំណើរការ។
សេចក្តីថ្លែងការណ៍របស់ Premier League បានសរសេរថា “ក្រុមប្រឹក្សាភិបាលនៃក្របខ័ណ្ឌ Premier League បានយល់ព្រមលើការទិញយកក្លឹបបាល់ទាត់ Everton ចំនួន ៩៨.៨% របស់ Friedkin Group បន្ទាប់ពីការធ្វើតេស្តរបស់ម្ចាស់ និងនាយកនៃលីកបានបញ្ចប់។ ដោយមានការយល់ព្រមពីក្រុមប្រឹក្សាភិបាល ឥឡូវនេះការកាន់កាប់នេះត្រូវបានផ្តល់សច្ចាប័ន។ ដោយក្រុមត្រួតពិនិត្យឯករាជ្យ ម្ចាស់ និងនាយកថ្មីរបស់ក្លឹបក៏បានចុះហត្ថលេខាលើធម្មនុញ្ញរបស់ម្ចាស់ក្លឹប Premier League ផងដែរ”។
ក្លឹប Everton ក៏បានបញ្ជាក់ផងដែរនូវព័ត៌មាននៅក្នុងបច្ចុប្បន្នភាពមួយថា “ក្លឹបបាល់ទាត់ Everton ត្រូវបានទិញដោយ Roundhouse Capital Holdings Limited (Roundhouse) ដែលជាអង្គភាពមួយនៅក្នុង The Friedkin Group (TFG) ។ ប្រតិបត្តិការនេះត្រូវបានបញ្ចប់បន្ទាប់ពីកិច្ចព្រមព្រៀងរវាងក្រុមហ៊ុន Blue Heaven Holdings របស់ Farhad Moshiri (BHH) និង Roundhouse សម្រាប់ការលក់ភាគហ៊ុនភាគច្រើនរបស់ BHH នៅក្នុងក្លឹប។ ច្ចព្រមព្រៀងនេះបានទទួលការអនុម័តបទប្បញ្ញត្តិចាំបាច់ពី Premier League, Women’s Professional Leagues Limited, សមាគមបាល់ទាត់ និងអាជ្ញាធរប្រតិបត្តិហិរញ្ញវត្ថុ”។
លោក Marc Watts ដែលជាប្រធានប្រតិបត្តិនៃក្លឹបបាល់ទាត់ Everton បានបន្ថែមថា៖ “ថ្ងៃនេះជាឱកាសដ៏សំខាន់ និងមោទនភាពសម្រាប់ The Friedkin Group នៅពេលដែលយើងក្លាយជាអ្នកថែរក្សាក្លឹបបាល់ទាត់ដ៏ល្បីមួយនេះ។ ការផ្តល់នូវស្ថិរភាពហិរញ្ញវត្ថុភ្លាមៗដល់ក្លឹបគឺជាអាទិភាពសំខាន់មួយ ហើយយើងពិតជារីករាយក្នុងការសម្រេចបាននូវចំណុចនេះ ខណៈពេលដែលការស្ដារ Everton ទៅកាន់កន្លែងត្រឹមត្រូវរបស់ខ្លួននៅក្នុងតារាង Premier League នឹងត្រូវចំណាយពេល ហើយថ្ងៃនេះជាជំហានដំបូងក្នុងដំណើរនោះ”។
ការកាន់កាប់នេះកើតឡើងមុនការប្រកួត Premier League ធំៗមួយចំនួនសម្រាប់ Everton។ ក្រុមរបស់លោក Sean Dyche ប៉ះ Chelsea នៅថ្ងៃអាទិត្យ ហើយបន្ទាប់មកធ្វើដំណើរទៅជួបក្រុមជើងឯក Manchester City នៅថ្ងៃ Boxing Day៕
