បរទេស៖ កេរ្តិ៍ឈ្មោះរបស់ Saliba ក្នុងនាមជាខ្សែការពារកណ្តាលដ៏សំខាន់មួយរបស់ទ្វីបអឺរ៉ុបបានកើនឡើងយ៉ាងខ្លាំងក្នុងរយៈពេលពីរឆ្នាំចុងក្រោយនេះ ដោយសារទម្រង់លេងដ៏លេចធ្លោរបស់គាត់នៅក្នុងការប្រកួតទាំងក្នុង Premier League និងពានតំបន់អឺរ៉ុបសម្រាប់ក្លឹប Arsenal។ នេះបើយោងតាមការចេញផ្សាយរបស់ Sport បានអោយដឹងថាក្លឹបយក្សរបស់អេស្ប៉ាញបានត្រៀមខ្លួនរួចជាស្រេចដើម្បីទាក់ទាញគាត់ឱ្យចាកចេញពីភាគខាងជើងទីក្រុងឡុងដ៏ ខណៈដែលពួកគេត្រូវការការពង្រឹងតំបន់ការពារ។
ដើម្បីទាក់ទាញកីឡាករ Saliba អោយចាកចេញពីក្លឹប Arsenal ក្រុម Real Madrid ប្រហែលជាត្រូវចំណាយប្រាក់យ៉ាងតិច ៨៣លានផោន ដែលនឹងក្លាយជាកំណត់ត្រាពិភពលោកថ្មីមួយសម្រាប់ការផ្ទេរខ្សែការពារ។ កំណត់ត្រាបច្ចុប្បន្នគឺកាន់កាប់ដោយ Harry Maguire ដែលបានផ្ទេរទៅ Manchester United ក្នុងតម្លៃ ៨០លានផោនក្នុងឆ្នាំ២០១៩។
វាត្រូវបានគេណែនាំថា Real Madrid បានធ្វើការសាកសួរបឋមជាមួយអ្នកតំណាងរបស់ Saliba ហើយបានទទួលការឆ្លើយតបយ៉ាងល្អមួយ។ ទោះជាយ៉ាងណាក៏ដោយ ភាពជោគជ័យនៃកិច្ចព្រមព្រៀងនេះនឹងពឹងផ្អែកលើឆន្ទៈរបស់ Arsenal ក្នុងការបែងចែកផ្លូវជាមួយខ្សែការពាររបស់ពួកគេ ដែលជាតួអង្គសំខាន់នៅក្នុងក្រុមរបស់ Mikel Arteta ។
.jpg?auto=webp&format=pjpg&width=3840&quality=60)
ទោះបីជាមានពាក្យចចាមអារ៉ាមក៏ដោយ Saliba បានបង្ហាញជាសាធារណៈនូវការប្តេជ្ញាចិត្តរបស់គាត់ចំពោះ Arsenal ។ កីឡាករវ័យ ២២ឆ្នាំរូបនេះបានចុះកិច្ចសន្យាថ្មីកាលពីរដូវក្តៅមុន ដោយធ្វើអោយគាត់ស្នាក់នៅក្លឹបក្នុងរយៈពេល ២ឆ្នាំកន្លះបន្ទាប់។ ថ្លែងកាលពីខែមុន Saliba បានបញ្ជាក់សារជាថ្មីអំពីភាពស្មោះត្រង់របស់គាត់ចំពោះក្រុមកាំភ្លើងធំ ដោយនិយាយថា “ខ្ញុំមានអារម្មណ៍ថានៅទីនេះជាផ្ទះរបស់ខ្លួន”។ ខ្ញុំបានចុះហត្ថលេខាជាមួយក្លឹបកាលពី ៥ឆ្នាំមុន ប៉ុន្តែវាគ្រាន់តែជារដូវកាលទីបីរបស់ខ្ញុំប៉ុណ្ណោះ ហើយខ្ញុំរីករាយនឹងគ្រប់យ៉ាងទាំងកីឡាករ បុគ្គលិក និងអ្នកគាំទ្រ”៕
