បរទេស៖ អ្នកចាត់ការទូទៅជម្រើសជាតិបារាំងលោក Didier Deschamps បានទទួលស្គាល់ថា Zinedine Zidane គឺជាបេក្ខភាពដ៏សំខាន់ក្នុងការចូលដឹកនាំក្រុមជម្រើសជាតិនៅពេលគាត់ចុះចេញពីដំណែង។ និយាយទៅកាន់ L’Équipe លោក Deschamps បានសំដៅទៅលើអតីតគ្រូបង្វឹក Real Madrid ថាជាជម្រើស “ស័ក្តិសម” សម្រាប់តួនាទីនេះ។
លោក Deschamps បានប្រាប់ L’Equipe ថា “Zizou (Zidane) គឺជាបេក្ខភាពដ៏ល្អម្នាក់ ស័ក្តិសម និងជាការរំពឹងទុក។ ប៉ុន្តែម្តងទៀតខ្ញុំមិនដឹងថាតើគាត់នឹងចង់ធ្វើការងារនេះ ឫទេ”។
លោក Deschamps ដែលបានដឹកនាំប្រទេសបារាំងតាំងពីឆ្នាំ២០១២ បានបញ្ជាក់កាលពីខែមុនថាគាត់នឹងចាកចេញពីតំណែងរបស់គាត់បន្ទាប់ពីការប្រកួតបាល់ទាត់ពិភពលោកឆ្នាំ២០២៦។ ក្រោមការដឹកនាំរបស់គាត់ បារាំងបានឈ្នះ World Cup ២០១៨ និងឈានដល់វគ្គផ្តាច់ព្រ័ត្រនៅឆ្នាំ២០២២៕
