បរទេស៖ នេះបើយោងតាមការចេញផ្សាយរបស់ Calciomercato បានអោយដឹងថាក្លឹប AC Milan អាចមើលឃើញការចាកចេញជាច្រើននៅក្នុងទីផ្សារដោះដូរកីឡាករនាពេលខាងមុខ ដោយមាន Samuel Chukwueze, Luka Jovic, Filippo Terracciano, Ruben Loftus-Cheek និង Tammy Abraham ដោយកីឡាករទាំងនេះសុទ្ធតែមានទំនាក់ទំនងជាមួយនឹងការចាកចេញដែលមានសក្តានុពល។
ក្រុមយក្សរបស់អ៊ីតាលីបានធ្លាក់ចេញពី UEFA Champions League បន្ទាប់ពីចាញ់ក្រុម Feyenoord ក្នុងលទ្ធផល ២-១ ក្នុងវគ្គ Playoff។ ជាលទ្ធផល Milan ត្រូវបានគេរំពឹងថានឹងរៀបចំរចនាសម្ព័ន្ធក្រុមរបស់ពួកគេឡើងវិញ ហើយមានកីឡាករទាំងនេះដែលអាចនឹងចាកចេញ៕
