បរទេស៖ អ្នកចាត់ការ Ruben Amorim របស់ក្រុម Manchester United ត្រូវបានគេរាយការណ៍ថាចង់នាំយកខ្សែបម្រើកណ្តាលរបស់ក្លឹប Lille កីឡាករ Angel Gomes ទៅកាន់ Old Trafford នៅរដូវក្តៅនេះ ខណៈដែលគាត់នឹងក្លាយជាកីឡាករដែលគ្មានតម្លៃខ្លួននៅរដូវក្តៅនេះ ព្រោះតែផុតកុងត្រា។
នេះបើយោងតាមការចេញផ្សាយរបស់ The Daily Briefing បានអោយដឹងថាកីឡាករ ២៣ឆ្នាំដែលធ្លាប់ជាយុវជននៅសាលាបាល់ទាត់របស់ក្លឹប Man Utd គ្រោងនឹងចាកចេញពី Lille នៅពេលចប់កុងត្រានេះ។
គាត់បានទាក់ទាញការចាប់អារម្មណ៍ពីក្លឹបជាច្រើនរួមទាំង Tottenham, Newcastle និង Aston Villa ខណៈដែល Bayern Munich និង RB Leipzig ក៏កំពុងតាមដានស្ថានភាពរបស់គាត់ផងដែរ។ ទោះបីជាយ៉ាងណាក៏ដោយ របាយការណ៍បានបង្ហាញថា ខ្សែបម្រើរូបនេះពេញចិត្តនឹងការវិលត្រឡប់ទៅកាន់ក្របខ័ណ្ឌកំពូលរបស់អង់គ្លេសវិញ៕
