បរទេស៖ នេះបើយោងតាមការចេញផ្សាយរបស់ Sky Sport បានអោយដឹងថាក្លឹប Liverpool កំពុងរៀបចំបើកការពិភាក្សាជាផ្លូវការជាមួយ Diaz ទាក់ទងនឹងការបន្តកុងត្រា ដោយក្លឹបចង់រក្សាខ្សែប្រយុទ្ធកូឡុំប៊ីជាផ្នែកនៃផែនការរយៈពេលវែងរបស់ពួកគេ។ កីឡាករវ័យ ២៨ឆ្នាំដែលបានមកដល់ពី Porto ក្នុងខែមករា ឆ្នាំ២០២២ កំពុងឈានចូលដល់ឆ្នាំទី២ចុងក្រោយនៃកុងត្រារបស់គាត់។
ខណៈពេលដែល Liverpool មានគោលបំណងរក្សា Diaz នៅលើក្លឹប ហើយពួកគេក៏មានការប្រជែងចង់បានគាត់ពីក្លឹបផ្សេងផងដែរ។ ក្លឹប Barcelona ដែលតាមដានខ្សែបម្រើស្លាបជាយូរមកហើយ បន្តតាមដានស្ថានការណ៍របស់គេយ៉ាងដិតដល់។ លើសពីនេះ ក្លឹបនៅ Saudi Pro League ក៏បានក្លាយជាគោលដៅផ្ទេរមួយផងដែរ ជាមួយនឹងរបាយការណ៍បង្ហាញថាក្លឹបនានានៅទីនោះត្រៀមខ្លួនរួចជាស្រេចក្នុងការផ្តល់ជូន Diaz នូវកិច្ចព្រមព្រៀងដែលរកកម្រៃបានយ៉ាងច្រើន។
ការគ្រប់គ្រង់របស់ក្លឹបហង្សក្រហមមានចេតនាក្នុងការជៀសវាងស្ថានភាពកិច្ចសន្យាមួយផ្សេងទៀតដែលផុតកំណត់។ បន្ទាប់ពីការរំពឹងទុកជាច្រើនខែជុំវិញអនាគតរបស់ Salah ទីបំផុត Liverpool ទទួលបានហត្ថលេខារបស់កីឡាករអេហ្ស៊ីប ក៏ដូចជាខ្សែការពារកណ្តាល Van Dijk ផងដែរ។ ទោះបីជាយ៉ាងណាក៏ដោយ ករណីរបស់ Trent Alexander-Arnold នៅតែមិនទាន់ត្រូវបានដោះស្រាយនៅឡើយ ហើយជាមួយនឹងរបាយការណ៍ដែលបង្ហាញថាគាត់អាចនឹងចាកចេញ ដោយហេតុនេះក្លឹបបានប្តេជ្ញាចិត្តថានឹងចាត់វិធានការឱ្យបានលឿន និងច្បាស់លាស់ជាងមុនជាមួយ Diaz ។ ការរៀនពីការពន្យារបន្តកុងត្រានាពេលកន្លងមក ធ្វើអោយក្លឹប Liverpool ទំនងជានឹងព្យាយាមបញ្ចប់កិច្ចព្រមព្រៀងថ្មីរបស់ Diaz នៅដើមទីផ្សារដោះដូរកីឡាកររដូវក្តៅ ដោយសង្ឃឹមថានឹងផ្តល់នូវស្ថេរភាព និងភាពច្បាស់លាស់ឆ្ពោះទៅរកយុទ្ធនាការ ២០២៥-២៦។
ជាមួយនឹងអ្នកតំណាងរបស់គាត់ដែលរំពឹងថានឹងអង្គុយជាមួយនាយកប្រតិបត្តិក្លឹបនៅរដូវក្តៅនេះ ការចរចាលើកិច្ចព្រមព្រៀងថ្មីរបស់ Diaz ត្រូវបានគេរំពឹងថានឹងរួមបញ្ចូលការពិភាក្សាលើការដំឡើងប្រាក់ឈ្នួលដ៏សំខាន់។ ទោះជាយ៉ាងណាក៏ដោយ Liverpool មានមោទនភាពជាយូរមកហើយលើការរក្សារចនាសម្ព័ន្ធប្រាក់ឈ្នួលដែលមានតុល្យភាព និងវិន័យ។ កិច្ចព្រមព្រៀងថ្មីណាមួយនឹងតម្រូវឱ្យមានការសម្របសម្រួលយ៉ាងប្រុងប្រយ័ត្នរវាងការរំពឹងទុករបស់កីឡាករ និងគោលការណ៍ហិរញ្ញវត្ថុរបស់ក្លឹប៕
