បរទេស៖ នេះបើយោងតាមការចេញផ្សាយរបស់ Daily Mail បានអោយដឹងថាក្លឹប Forest ចាប់អារម្មណ៍ក្នុងការចុះហត្ថលេខាលើ Luiz ពី Juventus នៅរដូវក្តៅនេះ ដោយសារតែទំនាក់ទំនងជិតស្និទ្ធរបស់ពួកគេជាមួយទីផ្សារប្រទេសប្រេស៊ីល។ ខ្សែបម្រើដែលធ្លាប់លេងនីក្លឹប Aston Villa បានជួបការលំបាកជាច្រើនក្នុងការស្វែងរកនាទីលេងលើទីលានក្នុងរដូវកាលនេះ រហូតដល់មានការត្អូញត្អែរជាសាធារណៈ ហើយត្រូវបានផ្សារភ្ជាប់ជាមួយនឹងការផ្ទេរទៅកាន់ក្រុម Newcastle ជាមួយនឹងកិច្ចព្រមព្រៀងដោះដូរមួយដែលនឹងជាមួយកីឡាករ Sandro Tonali។
.jpg?auto=webp&format=pjpg&width=3840&quality=60)
ក្លឹប Forest អាចមានសិទ្ធិចូលលេង Champions League នៅចុងសប្តាហ៍នេះ ខណៈដែលពួកគេត្រូវជួប Chelsea ក្នុងការប្រកួតចុងក្រោយនៃរដូវកាលនេះ។ ក្រុមតោខៀវឈរនៅលេខ៥ ជាមួយនឹង Forest ទី៧ ហើយពួកគេត្រូវបានខុសគ្នាតែមួយពិន្ទុប៉ុណ្ណោះ។ ការឈ្នះសម្រាប់ក្រុមរបស់លោក Nuno Espirito Santo អាចធ្វើឱ្យពួកគេឈានទៅកាន់ក្រុមលំដាប់កំពូលទាំង៥ ទោះបីជាពួកគេត្រូវការក្លឹប Aston Villa មិនបានទទួលពិន្ទុក្នុងការប្រកួតជាមួយ Manchester United ក៏ដោយ។ ការធ្វើដូច្នេះប្រាកដជាពង្រឹងពួកគេក្នុងការចរចារជាមួយកីឡាករ Luiz ។
កីឡាករសញ្ជាតិប្រេស៊ីលដែលបានឈ្នះ ១៨ប្រកួតសម្រាប់ប្រទេសរបស់គាត់បានបង្ហាញខ្លួនត្រឹមតែ ៣ដងក្នុងក្របខ័ណ្ឌ Serie A ក្នុងរដូវកាលនេះ ដោយសារតែបញ្ហារបួសរបស់គាត់។ ខណៈពេលដែលគាត់មានកិច្ចសន្យារហូតដល់ឆ្នាំ២០២៩ ការផ្លាស់ប្តូរមួយអាចសមនឹងគ្រប់ភាគីទាំងអស់នៅរដូវក្តៅនេះ។
ក្លឹប Forest និងប៉ះ Chelsea ប្រហែលជាការប្រកួតលីកដ៏ធំបំផុតរបស់ពួកគេក្នុងសប្តាហ៍នេះ។ បន្ទាប់មក ពួកគេនឹងត្រូវធ្វើការរៀបចំក្រុមឡើងវិញ៕
