បរទេស៖ ក្លឹប Barcelona សង្ឃឹមថានឹងចុះហត្ថលេខាលើ Diaz នៅក្នុងទីផ្សារដោះដូរកីឡាកររដូវក្តៅនេះ ប៉ុន្តែនឹងត្រូវគ្រប់គ្រងគណនីរបស់ពួកគេ និងគោរពតាមបទប្បញ្ញត្តិ Financial Fair Play (FFP) មុនពេលចាប់ផ្តើមការពិភាក្សាជាមួយក្លឹប Liverpool។ នេះបើយោងតាមការចេញផ្សាយរបស់ Mundo Deportivo បានអោយដឹងថាក្លឹបនៅ La Liga ត្រូវតែលក់កីឡាករចេញ ហើយការលក់កីឡាករសំខាន់ម្នាក់ គឺវាអាចស្របតាមច្បាប់។
នៅក្រោមច្បាប់ La Liga បច្ចុប្បន្ន ក្លឹបនឹងត្រូវលក់កីឡាករដែលមានតម្លៃខ្ពស់ដើម្បីចុះហត្ថលេខា និងចុះឈ្មោះ Diaz ។ ជាមួយនឹងការលក់ Jean-Clair Todibo ទៅឱ្យ West Ham United ក្នុងតម្លៃ ១៤លានអឺរ៉ូ ហើយក្លឹប Como ធ្វើការផ្ទេរយកកីឡាករ Alex Valle ជាអចិន្ត្រៃយ៍ក្នុងតម្លៃ ៦លានអឺរ៉ូ។
បន្ថែមពីលើវិធានការទាំងនេះ Barca មានលក្ខខណ្ឌលក់សម្រាប់កីឡាករដែលពួកគេបានលក់ចេញទៅកាន់ក្លឹបផ្សេងទៀត។ កីឡាករ Francisco Trincao ទៅ Benfica, Oscar Mingueza ទៅ Celta Vigo និង Mika Marmol ទៅ Las Palmas គឺសុទ្ធមានលក្ខខណ្ឌលក់ ៥០%នៅក្នុងកុងត្រា។ លើសពីនេះទៅទៀតក្លឹបអាចនឹងលក់កីឡារដែលមិនស្ថិតនៅក្នុងគម្រោងរបស់លោក Hansi Flick។ ដោយសារតែមានភាពស្មុគស្មាញកាន់តែខ្លាំង ក្លឹបអាចធ្វើការដោះស្រាយសម្រាប់តំបន់ផ្សេង ដោយលោក Hansi Flick បញ្ជាក់អំពីការចាប់អារម្មណ៍ទៅលើកីឡាករ Ivan Perisic ដែលគាត់បានធ្វើការជាមួយគាត់ក្នុងអំឡុងពេលនៅក្លឹប Bayern Munich។ ខ្សែការពារឆ្វេង Gerard Martin ក៏ត្រូវបានផ្សារភ្ជាប់ជាមួយនឹងការផ្លាស់ប្តូរផងដែរ ទោះបីជាគាត់បានច្រានចោលការនិយាយបែបនេះក៏ដោយ។
ក្លឹប Barcelona បានចាប់ផ្តើមប្រតិបត្តិការរបស់ពួកគេដោយជោគជ័យ ដោយបានទទួលបានប្រាក់ចំនួន ២០លានអឺរ៉ូ បន្ទាប់ពីកីឡាករ Clement Lenglet ផ្លាស់ទៅ Atletico Madrid ។ ពួកគេក៏សង្ឃឹមថានឹងលក់ Ansu Fati ក្នុងពេលដ៏ខ្លីខាងមុខនេះ ដែលគួរតែធានាថាក្លឹបមិនមានបញ្ហាអ្វីនៅពេលចុះឈ្មោះ Joan Garcia ដែលផ្ទេរមកពីក្លឹប Espanyol ៕
