បរទេស៖ ក្លឹប Arsenal ចង់ផ្តល់កុងត្រាថ្មីដល់កីឡាករ Ethan Nwaneri។ កីឡាករវ័យក្មេងបានឈានចូលដល់ ១២ខែចុងក្រោយនៃកិច្ចសន្យាបច្ចុប្បន្នរបស់គាត់នៅកីឡដ្ឋាន Emirates ហើយត្រូវបានរាយការណ៍ថាបានផ្តល់ឱសានវាទដល់ក្លឹប Arsenal ដោយកីឡាករវ័យជំទង់រូបនេះមិនទាន់បានចុះហត្ថលេខាលើលក្ខខណ្ឌថ្មីនៅឡើយ។
ក្លឹប Chelsea កំពុងត្រូវបានផ្តល់ក្តីសង្ឃឹមក្នុងការផ្ទេរយកដ៏គួរឱ្យភ្ញាក់ផ្អើលមួយ ខណៈដែលយោងទៅតាមការចេញផ្សាយរបស់ talkSPORT បានអោយដឹងថាកីឡាករ Nwaneri “ស្ទាក់ស្ទើរក្នុងការចុះហត្ថលេខាលើកិច្ចព្រមព្រៀងថ្មីនៅ Arsenal ដោយមិនមានការធានារយៈពេលលេង” ជាមួយនឹងការអភិវឌ្ឍន៍ជាបន្តបន្ទាប់របស់គាត់ដែលតម្រូវឱ្យមានការលេងជាប្រចាំ៕
