បរទេស៖ នេះបើយោងតាមការចេញផ្សាយរបស់លោក Fabrizio Romano បានអោយដឹងថាក្លឹប Bayern Munich កំពុងរៀបចំការដាក់សំណើរជាថ្មីមួយសម្រាប់កីឡាករ Diaz បន្ទាប់ពីសំណើរដំបូងដែលមានតម្លៃប្រមាណ ៦៧.៥លានអឺរ៉ូត្រូវបានច្រានចោលដោយម្ចាស់ជើងឯក Premier League។
កីឡាករ Diaz វ័យ ២៨ឆ្នាំនៅតែជាគោលដៅកំពូលរបស់ Bayern ជាមួយនឹងលក្ខខណ្ឌផ្ទាល់ខ្លួនត្រូវបានគេរាយការណ៍ថាបានយល់ព្រមរួចហើយ។ ទន្ទឹមនឹងនេះដែរ Bayern ក៏បានផ្តួចផ្តើមទំនាក់ទំនងជាមួយ Lyon សម្រាប់ខ្សែបម្រើស្លាបសញ្ជាតិបែលហ្ស៊ិក Malick Fofana ដែលជាជម្រើសដ៏មានសក្តានុពល ប្រសិនជាការចរចាជាមួយក្លឹប Liverpool ត្រូវបរាជ័យ៕
