បរទេស៖ កីឡាករ Bruno Fernandes ត្រូវបានគេមើលឃើញថា មិនពេញចិត្តចំពោះការអបអរសាទររបស់កីឡាករ Alejandro Garnacho បន្ទាប់ពីខ្សែប្រយុទ្ធរូបនេះបានស៊ុតបញ្ចូលទីគ្រាប់ដំបូងលើក្រុម Galatasaray កាលពីយប់ថ្ងៃពុធ។
តាមរយៈការស៊ុតបាល់បញ្ចូលទីដ៏អស្ចារ្យរបស់ Garnacho នៅនាទីទី ១១ ដោយការបញ្ជូនបាល់ពី Bruno ហើយ Garnacho បានធ្វើការអបអរដោយដាក់ម្រាមដៃទៅលើបបូរមាត់របស់គាត់ ដើម្បីបញ្ជាក់ប្រាប់អោយអ្នកគាំទ្របិទមាត់ ប៉ុន្តែកាយវិការនោះត្រូវបាន Fernandes បញ្ឈប់។
Fernandes ត្រូវបានគេមើលឃើញថាព្យាយាមទាញដៃ Garnacho ចេញពីមាត់ មុនពេលគាត់ និងកីឡាករផ្សេងទៀតលើកដៃសុំទោសទៅកាន់អ្នកគាំទ្រ។
Fernandes បានទម្លាក់ចោលនូវបញ្ហានោះ ហើយបានបង្កើនការនាំមុខគ្រាប់បាល់ទី ២ ជាមួយនឹងការស៊ុតបញ្ចូលទីពីចម្ងាយ ក្រោយទទួលការបញ្ជូនបាល់យ៉ាងល្អពី Luke Shaw។ ៩០ នាទីពេញក្រុមទាំងពីរបានបញ្ចប់ក្នុងលទ្ធផល ៣-៣។
សម្រាប់លទ្ធផលស្មើរលោក Erik Ten Hag បានបញ្ចេញប្រតិកម្មខកចិត្តដោយនិយាយថា៖ «យើងគួរតែឈ្នះនៅក្នុងការប្រកួតនេះ។ យើងគួរតែទទួលបានបីពិន្ទុ។ យើងបានសម្រុកច្រើនទៅលើគូប្រកួត។ យើងនឹងធ្វើអោយបានល្អបែបនេះនៅក្នុងការប្រកួតផ្សេងទៀត។ ខ្ញុំពេញចិត្តនឹងរបៀបដែលយើងលេង ប៉ុន្តែសម្រាប់ពេលនេះ ខ្ញុំត្រូវតែរិះគន់ចំពោះតំបន់ការពារ ដែលធ្វើមិនបានល្អគ្រប់គ្រាន់។ ទោះជាយ៉ាងណា ខ្ញុំរីករាយណាស់ ព្រោះយើងបានបង្កើតឱកាសជាច្រើន»៕
