បរទេស៖ នេះបើយោងតាមការចេញផ្សាយរបស់ Coriere dello Sport បានអោយដឹងថាក្លឹប PSG បានពិចារណារក្នុងការទិញយកកីឡាករ Victor Osimhen ដែលមានតម្លៃផ្តាច់កុងត្រាប្រមាណ ១៣០លានអឺរ៉ូ ពីក្លឹប Napoli នៅរដូវក្តៅខាងមុខនេះ។
ខ្សែប្រយុទ្ធ Osimhen ដែលមានវ័យ ២៥ឆ្នាំត្រូវបានចាប់អារម្មណ៍ដោយក្លឹបនៅតំបន់អឺរ៉ុបមួយចំនួនកាលពីរដូវក្តៅមុន។ ទោះបីជាយ៉ាងនេះក្តី គាត់បានជ្រើសរើសបន្តការស្នាក់នៅរបស់គាត់នៅក្លឹប Napoli ដោយចុះហត្ថលេខាលើកិច្ចសន្យាថ្មីដែលរួមបញ្ចូលទាំងលក្ខខណ្ឌផ្តាច់កុងត្រាទៀតផង។ ពេញមួយរដូវកាលនេះ កីឡាករ Osimhen បានបង្ហាញសមត្ថភាពរបស់គាត់នៅចំពោះមុខទី ដោយស៊ុតបញ្ចូលទី ១៣គ្រាប់ ក្នុងការបង្ហាញខ្លួន ២៥ប្រកួតអោយក្លឹប Napoli។
ទោះជាយ៉ាងណាក៏ដោយ ស្របពេលដែលក្លឹប PSG ត្រៀមចែកផ្លូវជាមួយតារាឆ្នើម Kylian Mbappe ដែលត្រូវបានគេរាយការណ៍ថាគ្រោងនឹងផ្លាស់ទៅចូលរួមជាមួយនឹងក្លឹប Real Madrid បានធ្វើអោយកីឡាករ Osimhen បានក្លាយជាបេក្ខភាពសំខាន់ដើម្បីបំពេញចន្លោះប្រហោងដែលត្រូវចាកចេញដោយកីឡាករសញ្ជាតិបារាំងរូបនេះ៕
