បរទេស៖ នេះបើយោងតាមការចេញផ្សាយរបស់ Sky Germany បានអោយដឹថាក្លឹប Eintracht Frankfurt នឹងប្រើប្រាស់នៅលក្ខខណ្ឌក្នុងការទិញផ្តាច់កុងត្រារបស់កីឡាករ Hugo Ekitike ដែលខ្លួនបានខ្ចីជើងពីក្លឹប PSG ក្នុងតម្លៃ ១៦លានអឺរ៉ូ។
ទោះបីជាមិនទាន់ស៊ុតបញ្ចូលទីបាន ចាប់តាំងពីគាត់ផ្ទេរមកប្រទេសអាឡឺម៉ង់ក៏ដោយ ក្លឹប Eintracht Frankfurt ពេញចិត្តនឹងអាកប្បកិរិយា និងការរួមចំណែករបស់ Ekitike នៅលើទីលាន។ ការលះបង់ និងសក្តានុពលរបស់ខ្សែប្រយុទ្ធសញ្ជាតិបារាំងបានបង្ហាញអោយក្លឹបឃើញអំពីតម្លៃរបស់គាត់ ដោយជំរុញឱ្យពួកគេចង់ផ្ទេរយកគាត់ជាអចិន្ត្រៃយ៍តែម្តង៕
