បរទេស៖ នេះបើយោងតាមការចេញផ្សាយរបស់លោក Fabrizio Romano បានអោយដឹងថាកីឡាករ Olivier Giroud បញ្ជាក់ថាគាត់នឹងចាកចេញពី AC Milan និងបាល់ទាត់អឺរ៉ុប។ កីឡាករ Giroud បានចុះហត្ថលេខាក្នុងនាមជាកីឡាករចំណូលថ្មីរបស់ក្លឹប LAFC ក្នុងក្របខ័ណ្ឌ MLS ដូចដែលបានបញ្ជាក់កាលពីខែមីនា។
កីឡាករ Olivier Giroud បាននិយាយថា៖ “ខ្ញុំនឹងលេងពីរប្រកួតចុងក្រោយរបស់ខ្ញុំសម្រាប់ AC Milan ហើយបន្ទាប់មកខ្ញុំនឹងផ្លាស់ទៅ MLS ខ្ញុំមានមោទនភាពចំពោះអាជីពនៅទីនេះ”។
ខ្សែប្រយុទ្ធដ៏អស្ចារ្យក្នុងអស់រយៈពេលជាច្រើនឆ្នាំ និងជាកីឡាករជម្រើសជាតិបារាំងដែលស៊ុតបញ្ចូលទីបានច្រើនជាងគេ Giroud នឹងទៅស្វែងរកបទពិសោធន៍របស់ខ្លួននៅអាមេរិក៕
