Real បញ្ជាក់ថាលែងចង់បាន Davies ហើយ ដោយប្តូរទៅចង់បានកីឡាកររបស់​ Girona វិញ

បរទេស៖ ក្លឹប Real Madrid ត្រូវបានរាយការណ៍អំពីការបាត់បង់ចំណាប់អារម្មណ៍ទៅលើខ្សែការពារឆ្វេង Alphonso Davies របស់ក្លឹប Bayern Munich ហើយបានប្តូរគោលដៅទៅលើកីឡាករ Miguel Gutierrez របស់ក្លឹប Girona វិញ។

ម្ចាស់ជើងឯក Champions League ១៤ សម័យកាលតែងតែស្វែងរកកីឡាករថ្មីដើម្បីបន្តពង្រឹងក្រុមរបស់ពួកគេ ហើយក៏មានការផ្សារភ្ជាប់ជាមួយនឹងការផ្ទេរយកកីឡាករ Davies របស់ក្លឹប Bayern ផងដែរ។ ទោះជាយ៉ាងណាក៏ដោយយោងទៅតាមការចេញផ្សាយរបស់ Cope បានអោយដឹងថាគ្មានករណីចាប់អារម្មណ៍ទៅលើកីឡាកររបស់ Bayern ទៀតទេ ដោយពួកគេចាប់អារម្មណ៏ទៅលើកីឡាករ Gutierrez ដែលកំពុងបង្ហាញទម្រង់លេងយ៉ាងល្អនៅក្លឹប Girona ក្នុងរដូវកាលនេះ៕