Ten Hag និង Arne Slot ចេញមកប្រជែងគ្នាយកខ្សែបម្រើរបស់ Atalanta

បរទេស៖ ក្លឹប Manchester United និង Liverpool ត្រៀមប្រជែងគ្នាលើការចុះហត្ថលេខាលើខ្សែបម្រើ Teun Koopmeiners របស់ Atalanta នៅរដូវក្តៅនេះ។

កីឡាករ Koopmeiners បានទទួលការទាក់ទាញពីក្លឹបជាច្រើននៅរដូវក្តៅនេះ ក្រោយការបង្ហាញទម្រង់លេងយ៉ាងល្អនៅក្លឹប Atalanta នា Serie A។ ដូច្នេះហើយ បិសាចក្រហមបានបង្ហាញចំណាប់អារម្មណ៍លើកីឡាករសញ្ជាតិហូឡង់វ័យ ២៦ឆ្នាំរូបនេះ ជាមួយនឹងសហម្ចាស់លោក Sir Jim Ratcliffe កំពុងសម្លឹងមើលការកែប្រែឡើងវិញនៅក្លឹប ដោយក្នុងនោះកីឡាករ Casemiro, Christian Eriksen និង Donny van de Beek ទាំងអស់អាចចាកចេញដោយទុកកន្លែងទំនេរសម្រាប់កីឡាករ Koopmeiners ។ នេះបើយោងតាមការចេញផ្សាយរបស់ Calciomercato United បានអោយដឹងថាក្លឹប United ត្រៀមនៅទឹកប្រាក់ ៦០លានអឺរ៉ូសម្រាប់ផ្ទេរយករូបគាត់៕