អ្នកគាំទ្រសម្រុកចូលទីលាន ខណៈពេលក្រុមព័រទុយហ្គាល់កំពុងហ្វឹកហាត់

Euro ២០២៤៖ ក្រុមរបស់លោក Roberto Martinez កំពុងរៀបចំខ្លួនសម្រាប់ការប្រកួត Euro ២០២៤ ដែលនឹងមកដល់នាពេលខាងមុខ ដោយក្រុមជម្រើសជាតិព័រទុយហ្គាល់បានធ្វើការហ្វឹកហាត់ក្រោមក្រសែភ្នែករបស់អ្នកគាំទ្រ ៨០០០នាក់។ បរិយាកាសដំបូង គឺមានភាពរំភើប ប៉ុន្តែក្រោយមកបានប្រែទៅជាភាពច្របូកច្របល់ នៅពេលដែលអ្នកគាំទ្ររាប់សិបនាក់បានសម្រុកចូលមកក្នុងទីលាន នៅក្នុងពេលក្រុមកីឡាករកំពុងប្រជុំគ្នាត្រៀមហ្វឹកហាត់។ ទោះបីជាមានការខិតខំប្រឹងប្រែងពីបុគ្គលិកសន្តិសុខ ដែលព្យាយាមទប់ស្ថានការណ៍ក៏ដោយ ក៏អ្នកគាំទ្របានចូលទៅជិតកីឡាករព័រទុយហ្គាល់យ៉ាងគ្រោះថ្នាក់។

PORTUGAL'S open training was attended by 8000 in their UEFA EURO 2024 preparation.

However, it descended into chaos after fans invaded the pitch, forcing Wolves goalkeeper Jose Sa to tackle one of the supporters. 🇵🇹pic.twitter.com/vSQxpEbThU

— Men in Blazers (@MenInBlazers) June 14, 2024

ក្នុងពេលមានភាពចលាចលនេះ កីឡាករ Sa បានចាត់វិធានការយ៉ាងម៉ឺងម៉ាត់ ខណៈដែលគាត់បានរត់ចម្ងាយ ៥០យ៉ាត ដើម្បីទៅជួយទប់ស្កាតអ្នកគាំទ្រកុំអោយចូលទីលាន។

កីឡាករ Cristiano Ronaldo ដែលជាតួសំខាន់ក្នុងក្រុមជម្រើសជាតិព័រទុយហ្គាល់ ច្បាស់ជាទាក់ទាញចិត្តអ្នកគាំទ្រដែលបានចូលមលមើលការហ្វឹកហាត់។ ការទន្ទឹងរង់ចាំមើលកីឡាករ Ronaldo ចូលមកហ្វឹកហាត់ ដោយមានអ្នកគាំទ្រចង់ឃើញខ្សែប្រយុទ្ធជើងចាស់ដែលកំពុងរៀបចំសម្រាប់ការប្រកួតអន្តរជាតិដ៏ធំលើកទី ១១ របស់គាត់។

ការហ្វឹកហាត់បើកចំហដំបូងនេះបានផ្តល់នៅសំបុត្រចំនួន ៦,០០០ សន្លឹកដោយឥតគិតថ្លៃដល់អ្នកគាំទ្រ ដែលអនុញ្ញាតឱ្យពួកគេបានឃើញនៅកីឡាករដែលពួកគេចូលចិត្តនៅក្នុងសកម្មភាពហ្វឹកហាត់។ ភាពច្របូកច្របល់នេះបានបញ្ជាក់ពីប្រជាប្រិយភាពដ៏យូរអង្វែងរបស់ Ronaldo និងការរំពឹងទុកខ្ពស់ជុំវិញការប្រកួតរបស់ព័រទុយហ្គាល់នៅក្នុងព្រឹត្តិការណ៍នេះ។ ព័រទុយហ្គាល់នឹងចាប់ផ្តើមប្រកួតជាមួយនឹង ក្រូអាតនៅថ្ងៃទី១៨ ខែមិថុនា៕