បរទេស៖ ក្លឹប Manchester United បានធ្វើការដាក់នៅសំណើរលើកដំបូងទៅកាន់ក្លឹប Everton សម្រាប់ការផ្ទេរកីឡាករ Branthwaite បន្ទាប់ពីបានព្រមព្រៀងនៅលក្ខខណ្ឌផ្ទាល់ខ្លួនជាមួយកីឡាករវ័យ ២១ឆ្នាំរូបនេះ។ នេះបើយោងតាមការចេញផ្សាយរបស់ The Athletic បានអោយដឹងថាក្លឹបឈ្នះពាន FA Cup បានដាក់សំណើរតម្លៃ ៣៥លានផោនសម្រាប់ខ្សែការពារកណ្តាលរូបនេះ។
តាមប្រភពសារព័ត៌មាន The Athletic បានអោយដឹងថាកាលពីថ្ងៃសុក្រថា ខាងក្លឹប Everton រំពឹងទុកថានឹងច្រានចោលនៅសំណើរដេញថ្លៃមួយនេះ។ ពួកគេកំពុងរំពឹងថានឹងទទួលបានតម្លៃខ្ពស់ជាងនេះសម្រាប់ខ្សែការពារកណ្តាលឆ្នើមរបស់ពួកគេ ដោយសារពួកគេមានការព្រួយបារម្ភអំពីច្បាប់ស្តីពីប្រាក់ចំណេញ និងនិរន្តរភាព ហើយត្រូវតែប្រមូលថវិកាមកវិញនៅរដូវក្តៅនេះ។ ជាលទ្ធផលក្លឹប United មើលទៅទំនង់ជាត្រូវបង្កើននៅតម្លៃសំណើររបស់ខ្លួនជាថ្មី។
🚨 Manchester United make opening offer to sign Jarrad Branthwaite from Everton. #MUFC bid for centre-back £35m. Deemed unacceptable + set to be rejected in due course. #EFC believe 21yo happy & would require much higher fee to consider sale @TheAthleticFC https://t.co/aJl8aUU42M
— David Ornstein (@David_Ornstein) June 14, 2024
ប្រសិនជាក្លឹប Manchester United ចង់ចុះហត្ថលេខាលើកីឡាករដែលមានគុណភាពដូចកីឡាករ Branthwaite នោះ ពួកគេត្រូវតែចំណាយលុយបន្ថែមទៀត ខណៈក្លឹប Everton ចង់រក្សាកីឡាករសញ្ជាតិអង់គ្លេសរូបនេះ។ ការគំរាមកំហែងនៃការបំពានប្រាក់ចំណេញ និងនិរន្តរភាព ប្រហែលជានឹងជម្រុញអោយក្លឹប Everton នឹងលក់តារាឆ្នើមរូបនេះ ប៉ុន្តែប្រសិនជាទទួលបាននៅសំណើរដ៏ល្អមួយ។ ក្លឹប United បានបាត់បង់កីឡាករ Raphael Varane ដែលធ្វើអោយក្លឹបត្រូវតែស្វែងរកខ្សែការពារកណ្តាលថ្មី ដូច្នេះវាធ្វើអោយពួកគេស្ថិតនៅក្នុងភាពលំបាកក្នុងការស្វែងរក។
ការអវត្តមានរបស់កីឡាករ Branthwaite ពីក្រុមជម្រើសជាតិអង់គ្លេសនៅសម្រាប់ព្រឹត្តិការណ៍ Euro ២០២៤ មានន័យថាគាត់កំពុងរីករាយនឹងការសម្រាកបន្ទាប់ពីយុទ្ធនាការ Premier League ដ៏លំបាកសម្រាប់រដូវកាល ២០២៣-២៤ ។ ក្លឹប United ទំនង់ជាអាចនឹងដាក់សំណើរជាថ្មីម្តងទៀត ជាមួយនឹងតម្លៃប្រសើរជាងមុននៅក្នុងប៉ុន្មានសប្តាហ៍ខាងមុខនេះ ងជានឹងចូលមកជាមួយនឹងការដេញថ្លៃដែលប្រសើរឡើងក្នុងប៉ុន្មានសប្តាហ៍ខាងមុខនេះ ប៉ុន្តែវាអាចជាការប្រកួតប្រជែងជាមួយនឹងពេលវេលា ខណៈដែលក្លឹប Everton ចង់ឱ្យកិច្ចព្រមព្រៀងណាមួយក៏ដោយត្រូវសម្រេចអោយបានមុនថ្ងៃទី៣០ ខែមិថុនានេះ៕
