Euro ២០២៤៖ ក្រុមបែលហ្ស៊ិកបានបង្ហាញការអស់សង្ឃឹមរបស់ពួកគេ ខណៈការប្រកួតបើកឆាក Euro ២០២៤ ត្រូវបានចាញ់ក្រុមស្លូវ៉ាគី ដោយលទ្ធផល១ទល់នឹង០ ក្រោយការស៊ុតបញ្ចូលទី ២គ្រាប់របស់ Lukaku ត្រូវបានបដិសេធដោយ VAR។
ខ្សែប្រយុទ្ធ Lukaku បានធ្វើអោយបាត់បង់នៅឪកាសល្អៗជាច្រើនក្នុងការស៊ុតបញ្ចូលទី បើទោះបីជាមានការបញ្ជូនបាល់យ៉ាងល្អពីសំណាក់កីឡាករ Jeremy Doku ក៏ដោយ។
ក្រុមរបស់លោក Domenico Tedesco បានព្យាយាមរកគ្រាប់បាល់តាមស្មើរ ប៉ុន្តែកីឡាករ Jeremy Doku មានការពិបាកយ៉ាងខ្លាំងក្រោយត្រូវបានរារាំងពីសំណាក់គូរប្រជែង ខណៈពេលដែលកីឡាករ Lukaku មិនអាចរកគ្រាប់បាល់បានដូចគ្នា។ ទោះបីជា Lukaku ព្យាយាមស៊ុតបញ្ចូលទី ២គ្រាប់ក៏ដោយ ប៉ុន្តែត្រូវបានអាជ្ញាកណ្តាលចាប់ទុកជាបាល់ Offside ដោយសារ VAR។
ក្រុមបែលហ្ស៊ិក មានប្រៀបទាំងស្រុងនៅក្នុងតង់ទីពីរ ដោយមានការគ្រប់គ្រង់បាល់ ៧០ភាគរយ និងស៊ុតចំនួន ៧ជើង ក្នុងរយៈពេល ៤៥នាទី ប៉ុន្តែពួកគេនៅតែមិនអាចរកវិធីស៊ុតទម្លោះអ្នកចាំទី Martin Dubravka បាននោះទេ ខណៈ VAR ក៏បានចាប់បាល់ Offside ផងដែរ៕
