បរទេស៖ នេះបើយោងតាមការចេញផ្សាយរបស់ De Telegraaf បានអោយដឹងថាក្លឹប Burnley កំពុងធ្វើការពិភាក្សាជាមួយអ្នកចាត់ការសញ្ជាតិហូឡង់ ហើយក្លឹបសុខចិត្តផ្តល់នៅសំណើរកុងត្រាច្រើនឆ្នាំដើម្បីអោយគាត់ដឹកនាំក្លឹបឡើងទៅកាន់ Premier League វិញ។ ក្លឹប Burnley ចង់រក្សាអោយបាននៅគ្រូបង្វឹកដែលមានមហិច្ឆតា ដែលធ្វើអោយក្លឹបមានភាពសកម្មខ្លាំងនៅ Championship និងមានទម្រង់លេងប្លែកៗ ហើយពួកគេជឿជាក់ថា Nistelrooy គឺសាកសមសម្រាប់ការងារនេះ។
ភារកិច្ចសំខាន់ដំបូងរបស់លោក Van Nistelrooy គឺត្រូវសម្រេចចិត្តលើអនាគតរបស់កីឡាករ Wout Weghorst ដែលបន្តកុងត្រាជាមួយ Burnley រយៈពេលមួយឆ្នាំទៀត។ កីឡាករ Wout Weghorst បានចំណាយពេលខ្ចីជើងនៅ Besiktas, Manchester United និង Hoffenheim ក្នុងរដូវកាលថ្មីៗនេះ។ ឥឡូវនេះលោក Van Nistelrooy នឹងត្រូវកំណត់ថាតើកីឡាករ Weghorst សមនឹងផែនការរបស់គាត់សម្រាប់ក្លឹប Burnley ឬត្រូវផ្ទេរទៅកាន់ក្លឹបផ្សេងទៀត។
លោក Van Nistelrooy បានចាកចេញពីក្លឹប PSV Eindhoven នៅចុងរដូវកាល ២០២២-២៣ បើទោះបីជាមានកិច្ចសន្យារហូតដល់ឆ្នាំ ២០២៥។ ក្នុងអំឡុងពេលកាន់តំណែងរបស់គាត់ គាត់បានដឹកនាំក្រុមឱ្យទទួលជ័យជម្នះក្នុងពានរង្វាន់ Johan Cruyff Shield និង KNVB Cup ក្នុងរដូវកាលដំបូងរបស់គាត់ ព្រមទាំងធានាបាននូវកៅអីសម្រាប់ Champions League ។ ភាពជោគជ័យរបស់គាត់នៅក្លឹប PSV បង្ហាញពីសក្តានុពលរបស់គាត់ក្នុងការមកដឹកនាំក្លឹប Burnley ដោយនាំមកនូវចិត្តគំនិតឈ្នះៗ និងជំនាញយុទ្ធសាស្ត្រ។
នៅពេលដែលក្លឹប Burnley រៀបចំសម្រាប់រដូវកាល Championship នាពេលខាងមុខ ការផ្តោតទៅលើការរួមបញ្ចូលចក្ខុវិស័យ និងយុទ្ធសាស្ត្ររបស់លោក Van Nistelrooy ជាមួយនឹងក្លឹប។ បទពិសោធន៍របស់គាត់ក្នុងនាមជាកីឡាករ និងគ្រូបង្វឹក បូកផ្សំនឹងការយល់ដឹងរបស់គាត់អំពីការប្រកួតនៅអង់គ្លេស បានដាក់គាត់ជាបេក្ខជនដ៏មានសក្តានុពលក្នុងការដឹកនាំក្រុម Burnley ឆ្លងកាត់រយៈពេលដ៏សំខាន់នេះ និងប្រកួតប្រជែងមកកាន់ Premier League វិញ៕
