បរទេស៖ នេះបើយោងតាមការចេញផ្សាយរបស់លោក Florian Plettenberg អ្នកសារព័ត៌មានរបស់ Sky Sports បានអោយដឹងថាក្លឹប Manchester United បានចាប់ផ្តើមការពិភាក្សាជាមួយនឹងក្លឹប Bayern Leverkusen ទាក់ទងនឹងការផ្ទេរដ៏មានសក្តានុពលសម្រាប់ខ្សែការពារកណ្តាល Jonathan Tah។ ការអភិវឌ្ឍន៍នេះកើតឡើងបន្ទាប់ពីការចរចាររវាងក្លឹប Leverkusen និងក្លឹប Bayern Munich សម្រាប់កីឡាករសញ្ជាតិអាឡឺម៉ង់ហាក់ដូចជាជាប់គាំង ដោយផ្តល់ឱ្យក្រុមរបស់លោក Erik ten Hag នូវឱកាសមួយដើម្បីឈានជើងចូល។
Tah ដែលជាកីឡាករសំខាន់សម្រាប់ក្លឹប Leverkusen បានបង្ហាញភាពលេចធ្លោកាលពីរដូវកាលមុន។ គាត់បានបង្ហាញខ្លួន ៤៨ដងនៅគ្រប់ការប្រកួតទាំងអស់ ដោយស៊ុតបញ្ចូលទីបាន ៦គ្រាប់ ក្នុងនាមជាខ្សែការពារម្នាក់។ ទម្រង់លេងរបស់គាត់បានជួយដល់ក្លឹប Leverkusen ដោយមិនទាន់លេងចាញ់នៅក្នុង Bundesliga និង DfB-Pokal ៕
