បរទេស៖ នេះបើយោងតាមការចេញផ្សាយរបស់លោក Fabrizio Romano បានអោយដឹងថាលោក Gareth Southgate ដែលជាគ្រូបង្វឹកក្រុមជម្រើសជាតិអង់គ្លេសបានសម្រេចចិត្តលាលែងតំណែងហើយ។ គាត់បានបញ្ជាក់ថា៖
“មានមោទនភាពជាជនជាតិអង់គ្លេស វាជាកិត្តិយសនៃជីវិតរបស់ខ្ញុំក្នុងការលេងឱ្យប្រទេសអង់គ្លេស និងដឹកនាំក្រុមជម្រើសជាតិកន្លងមក។ វាមានន័យគ្រប់យ៉ាងសម្រាប់ខ្ញុំ ខ្ញុំបានផ្តល់ឱ្យវាទាំងអស់។ ប៉ុន្តែវាដល់ពេលសម្រាប់ការផ្លាស់ប្តូរហើយ សម្រាប់ទំព័រថ្មី។ ខ្ញុំចាកចេញពីតួនាទីជាអ្នកគ្រប់គ្រង ការសម្រេចចិត្តត្រូវបានធ្វើឡើង”៕
