Man Utd បើកការចរចាជាមួយនឹងកីឡាករ Fofana

បរទេស៖ នេះបើយោងតាមការចេញផ្សាយរបស់លោក Dharmesh Sheth អ្នកសារព័ត៌មាន Sky Sports បានអោយដឹងថាក្លឹប United បានធ្វើការចរចារជាមួយកីឡាករ Fofana របស់ក្លឹប Monaco ខណៈដែលពួកគេកំពុងស្វែងរកនៅការទិញខ្សែបម្រើថ្មី។ ក្លឹបកំពុងធ្វើការតាមរយៈបញ្ជីឈ្មោះដែលរួមមានខ្សែបម្រើ Manuel Ugarte របស់ PSG ប៉ុន្តែតម្លៃដែលស្នើរសុំរបស់ក្លឹបបារាំងនាពេលនេះត្រូវបានគេចាត់ទុកថាខ្ពស់ពេក។ ឈ្មោះកីឡាករផ្សេងទៀតរួមមានកីឡាករ Richard Rios, Sander Berge, Martin Zubimendi និង Sofyan Amrabat។

ក្លឹប Manchester United កំពុងសម្លឹងរកមើលការកីឡាករមកជំនួសកន្លែងរបស់កីឡាករ Scott McTominay ដែលមានព័ត៌មានចចាមអារ៉ាមជាមួយនឹងក្លឹប Fulham និង Tottenham នៅរដូវក្តៅនេះ។

កីឡាករជម្រើសជាតិបារាំង Fofana មានកុងត្រាជាមួយក្លឹប Monaco ដល់ឆ្នាំ២០២៥។ គាត់បានបង្ហាញខ្លួន ១៧៥ប្រកួតសម្រាប់ក្លឹបនៅ Ligue 1 ដោយបានផ្ទេរពីStrasbourg ក្នុងឆ្នាំ២០១៩ ។

ក្លឹប Manchester United ត្រូវជួបជាមួយនឹងក្លឹប Machester City ក្នុងការប្រកូត Community Shield នៅចុងសប្តាហ៍នេះ ហើយនឹងចាប់ផ្តើមយុទ្ធនាការ Premier League របស់ពួកគេជាមួយនឹងក្រុម Fulham នៅថ្ងៃសុក្រសប្តាហ៍ក្រោយ៕