បរទេស៖ សំណើរជាច្រើនរបស់ក្លឹប Fulham ក្នុងការផ្ទេរកីឡាករសញ្ជាតិស្កុតឡេនត្រូវបានបដិសេធ ហើយពេលនេះអាចនឹងត្រូវបាត់បង់ឪកាសដោយក្លឹប Napoli ទៀតផង។ នេះបើយោងតាមការចេញផ្សាយរបស់ The Mirror បានអោយដឹងថាអ្នកចាត់ការលោក Antonio Conte បាននិយាយថាគាត់ចង់នាំយកខ្សែបម្រើរូបនេះមកកាន់ Serie A បន្ទាប់ពីកីឡាករ McTominay បានផ្តល់ភ្លើងខៀវក្នុងការចាកចេញពីក្លឹប United នៅរដូវក្តៅនេះ។ ប្រភពបន្ថែមពីសារព័ត៌មាន The Telegraph បានអោយដឹងថាក្លឹប Napoli អាចនឹងដាក់សំណើរខ្ចីជើងកីឡាករ McTominay ខណៈពួកគេមិនចង់បង់ប្រាក់ ២៥លានផោនតាមការទាមទាររបស់ក្លឹប Man Utd។
.png?auto=webp&format=pjpg&width=3840&quality=60)
កីឡាករ McTominay កំពុងទទួលបានការចាប់អារម្មណ៍ពីក្លឹបជាច្រើននៅ Premier League និងតំបន់អឺរ៉ុប ជាមួយនឹងរដូវកាលថ្មិដែលជិតនឹងចាប់ផ្តើម។ ក្លឹប Tottenham ក៏បានរាយការណ៍អំពីការចាប់អារម្មណ៍ទៅលើកីឡាករវ័យ ២៧ឆ្នាំដែលកំពុងស្ថិតនៅក្នុងឆ្នាំចុងក្រោយនៃកុងត្រារបស់គាត់ជាមួយក្លឹប។
គាត់បានបង្ហាញខ្លួនអោយជម្រើសជាតិស្កុតឡេនបាន ៥២ដង ហើយសម្រាប់ក្លឹប Manchester United គាត់បានបង្ហាញខ្លួន ២៥០ដង ដោយស៊ុតបញ្ចូលទីបាន ២៩គ្រាប់ ចាប់តាំងពីឆ្នាំ២០១៧មក។
គ្រូបង្វឹកលោក Erik ten Hag បានដាក់អោយកីឡាករ McTominay លេងនៅក្នុងការប្រកួត Pre-Season ហើយនឹងអាចហៅគាត់ចួលរួមក្នុងការប្រកួតដំបូងនៅ Premier League ប្រសិនជាការផ្ទេរចេញរបស់គាត់មិនអាចក្លាយជាការពិត៕
