បរទេស៖ យុវវ័យន័រវេស Sindre Walle Egeli កំពុងទាក់ទាញការចាប់អារម្មណ៍យ៉ាងខ្លាំងពីក្លឹប Premier League មួយចំនួន បន្ទាប់ពីការចាប់ផ្តើមដ៏គួរឱ្យចាប់អារម្មណ៍របស់គាត់ក្នុងរដូវកាល ២០២៤/២៥ ។ នេះបើយោងតាមការចេញផ្សាយរបស់ HITC បានអោយដឹងថាក្លឹប Newcastle United រួមជាមួយនឹងក្រុមដែលមានមូលដ្ឋាននៅទីក្រុងឡុងដ៍ដូចជា West Ham, Brentford និង Crystal Palace សុទ្ធតែបានតាមមើលខ្សែប្រយុទ្ធដែលមានទេពកោសល្យម្នាក់នេះ។
កីឡាករ Egeli ដែលមានអាយុ ១៨ឆ្នាំក្នុងខែមិថុនាបានបង្កើតកេរ្តិ៍ឈ្មោះយ៉ាងឆាប់រហ័សសម្រាប់ខ្លួនគាត់។ ខ្សែប្រយុទ្ធដែលប្រើជើងឆ្វេងរូបនេះ ចូលចេញលេងនៅខាងស្តាំ បានបង្ហាញអំពីជំនាញ និងភាពច្នៃប្រឌិតរបស់គាត់។ នៅក្នុងការបង្ហាញខ្លួន៤ដងចុងក្រោយរបស់គាត់សម្រាប់ក្លឹប Nordsjaelland គាត់បានស៊ុតបញ្ចូលទីបាន ៣គ្រាប់និងបញ្ជូនបាល់អោយមិត្តរួមក្រុមបញ្ចប់ទីបានម្តង ហើយបានបង្ហាញខ្លួនលើកដំបូងសម្រាប់ Norway ក្នុងការប្រកួតជាមួយនឹងកាហ្សាក់ស្ថាន៕
