បរទេស៖ នេះបើយោងតាមការចេញផ្សាយរបស់ The Mirror បានអោយដឹងថាក្លឹប Juventus ជិតបញ្ចប់ការផ្ទេរខ្សែការពារ António Silva របស់ Benfica ដោយយកឈ្នះ Newcastle United ក្នុងការផ្ទេរមួយនេះ។
លោក Jorge Mendes ភ្នាក់ងាររបស់ខ្សែការពារកណ្តាលវ័យ ២១ឆ្នាំបានបញ្ជាក់ពីការពេញចិត្តរបស់កីឡាករក្នុងការផ្ទេរទៅកាន់ក្លឹបដែលមានមូលដ្ឋាននៅទីក្រុង Turin។ លោក Mendes បាននិយាយថា “គាត់ចង់បាន Juve ហើយ Juve ចង់បានគាត់” ដោយបង្ហាញពីបំណងប្រាថ្នាទៅវិញទៅមកយ៉ាងខ្លាំងក្នុងការបញ្ចប់កិច្ចព្រមព្រៀង។ ក្លឹប Newcastle បានតាមដានយ៉ាងដិតដល់នូវកីឡាករ Silva អស់រយៈពេល ១៨ខែកន្លងមកនេះ ដោយបានបង្ហាញពីចំណាប់អារម្មណ៍ដ៏យូរអង្វែងរបស់ពួកគេចំពោះកីឡាករសញ្ជាតិព័រទុយហ្គាល់ដែលមានទេពកោសល្យ។ ទោះបីជាយ៉ាងណាក៏ដោយ ភាពស្មុគស្មាញផ្នែកហិរញ្ញវត្ថុជុំវិញការផ្ទេរនេះត្រូវបានរាយការណ៍ថាបានរារាំងសមត្ថភាពរបស់ក្លឹបសារិកាព្រៃ ក្នុងការធានាការចុះហត្ថលេខាយកកីឡាករ៕
