បរទេស៖ កីឡាករ Alejandro Garnacho ត្រូវបានផ្សារភ្ជាប់ជាមួយនឹងការចាកចេញពី Old Trafford ក្នុងអំឡុងពេលទីផ្សារដោះដូរកីឡាករខែមករាចំពេលមានការចាប់អារម្មណ៍ពីក្លឹប Napoli ប៉ុន្តែនៅចុងបញ្ចប់កីឡាករសញ្ជាតិអាហ្សង់ទីនរូបនេះបានបន្តស្នាក់នៅជាមួយ Manchester United ដដែល។ យ៉ាងណាក៏ដោយ ក្លឹបនឹងសម្លឹងរកមើលការលក់កីឡាកររូបនេះ ដើម្បីបានប្រាក់នៅទីផ្សារដោះដូរកីឡាករនៅរដូវក្ដៅ។
ថ្លែងទៅកាន់ GiveMeSport អ្នកកាសែត Ben Jacobs បាននិយាយថា “វានៅតែមានអារម្មណ៍មួយដដែរ ទោះបីជាការលក់មានការស្ទាក់ស្ទើរក៏ដោយ ប៉ុន្តែកីឡាករ Alejandro Garnacho គឺជាកីឡាករដែលនៅក្នុងបញ្ជីរបស់ក្លឹបដែលជាកីឡាករមានតម្លៃម្នាក់ ហើយពួកគេអាចនឹងពិចារណាលក់ក្រោមហេតុផលដែលមាននៅក្នុងខែមករា គឺដើម្បីជួយសម្រួលដល់ផ្នែកហិរញ្ញវត្ថុរបស់ក្លឹប”៕
