បរទេស៖ តួនាទីជាអចិន្ត្រៃយ៍ គឺនៅទំនេរចាប់តាំងពីការលាលែងពីតំណែងរបស់លោក Edu ក្នុងខែវិច្ឆិកា ហើយក្លឹបបានតែងតាំងលោក Jason Ayto ដើម្បីបំពេញតួនាទីបណ្តោះអាសន្ន។ ដូចដែលបានចេញផ្សាយដោយ The Athletic បានអោយដឹងថាលោក Jason Ayto ក៏ស្ថិតនៅក្នុងតំណែងការងារជាអចិន្ត្រៃយ៍មួយនេះផងដែរ ជាមួយនឹងបេក្ខភាព ៤នាក់ផ្សេងទៀត។ ម្នាក់ក្នុងចំនោមពួកគេគឺជាអតីតនាយកកីឡា Newcastle និង Manchester United លោក Dan Ashworth ខណៈដែល Andrea Berta, Roberto Olabe និង Thiago Scuro គឺជាឈ្មោះផ្សេងទៀតដែលកំពុងត្រូវបានពិចារណា។
ការចាកចេញរបស់ Edu ក្នុងខែវិច្ឆិកា គឺជារឿងដ៏គួរឱ្យភ្ញាក់ផ្អើលមួយ ហើយគាត់ធ្លាប់បានជួយលោក Mikel Arteta ក្នុងការកសាងក្រុមដើម្បីប្រជែងពាន Premier League។ ភ្លាមៗនោះ បុរសសញ្ជាតិប្រេស៊ីលរូបនេះបានឈានដល់កិច្ចព្រមព្រៀងជាមួយម្ចាស់ក្លឹប Nottingham Forest លោក Evangelos Marinakis ដោយគាត់ក្លាយជាអ្នកមើលការខុសត្រូវក្រុមក្លឹប។
នៅក្នុងសេចក្តីថ្លែងការណ៍ដែលចេញផ្សាយដោយ Arsenal លោក Edu បាននិយាយថា “នេះគឺជាការសម្រេចចិត្តដ៏លំបាកមិនគួរឱ្យជឿក្នុងការធ្វើ។ Arsenal បានផ្តល់ឱ្យខ្ញុំនូវឱកាសដើម្បីធ្វើការជាមួយមនុស្សអស្ចារ្យជាច្រើន និងឱកាសដើម្បីក្លាយជាផ្នែកមួយនៃអ្វីដែលពិសេសនៅក្នុងប្រវត្តិសាស្រ្តរបស់ក្លឹប។ វាជាដំណើរដ៏ពិសេសមួយ ហើយខ្ញុំសូមអរគុណ Stan, Josh, Tim និង Lord Harris សម្រាប់ការគាំទ្រដែលពួកគេបានផ្តល់ឱ្យខ្ញុំ”។
“ខ្ញុំចូលចិត្តធ្វើការជាមួយសហសេវិកដ៏អស្ចារ្យជាច្រើននៅទាំងក្រុមបុរស នារី និងក្រុមយុវជន ជាពិសេសលោក Mikel Arteta ដែលបានក្លាយជាមិត្តដ៏អស្ចារ្យ។ ឥឡូវនេះដល់ពេលហើយដើម្បីបន្តការប្រជែងផ្សេង។ Arsenal នឹងនៅក្នុងចិត្តខ្ញុំជានិច្ច។ ខ្ញុំសូមជូនពរឱ្យក្លឹប និងអ្នកគាំទ្រជួបតែរឿងល្អ និងជោគជ័យគ្រប់ភារកិច្ច”។
ក្រុមកាំភ្លើងធំបានចំណាយពេលជាច្រើនខែមុនពេលធ្វើការវាយតម្លៃចុងក្រោយថានរណានឹងក្លាយជានាយកផ្នែកកីឡាបន្ទាប់។
លោក Ayto បាននៅ Arsenal ជាងមួយទសវត្សរ៍ ហើយបានក្លាយជាបុរសដៃស្តាំរបស់ Edu ។ គាត់បានដឹកនាំក្លឹបស្វែងរកខ្សែប្រយុទ្ធម្នាក់ក្នុងខែមករា ដែលចុងក្រោយគាត់បរាជ័យក្នុងការនាំយកគាត់មក។ លោក Ashworth គឺជាឈ្មោះដែលស្ថិតក្នុងបញ្ជីរបស់ក្លឹប Arsenal ក្រោយគាត់បានចាកចេញពីក្លឹប Manchester United។ គាត់បានចំណាយពេលត្រឹមតែប្រាំខែនៅ Old Trafford ដោយបានចុះហត្ថលេខាមកពី Newcastle។
លោក Berta គឺជាអតីតនាយកកីឡារបស់ Atletico Madrid ដោយបានចាកចេញកាលពីខែមក បន្ទាប់ពីចំណាយពេល ១២ឆ្នាំ។ Olabe បច្ចុប្បន្នកំពុងនៅ Real Sociedad ហើយនឹងលាឈប់ពីការងារជាប្រធានផ្នែកកីឡារបស់គាត់នៅរដូវក្តៅ។ Scuro គឺជានាយកប្រតិបត្តិ Monaco បច្ចុប្បន្ន ហើយដូចជា Edu ក៏ជាជនជាតិប្រេស៊ីលផងដែរ។ បុរសម្នាក់ដែលមិនស្ថិតក្នុងក្របខ័ណ្ឌគឺលោក Luis Campos ទីប្រឹក្សាបាល់ទាត់របស់ Paris Saint-Germain ដែលត្រូវបានគេភ្ជាប់នឹងការងារនាពេលកន្លងមក៕
