បរទេស៖ កីឡាករវ័យក្មេង Lamare Bogarde របស់ក្លឹប Aston Villa បានចុះហត្ថលេខាលើកិច្ចសន្យារយៈពេលវែងថ្មីជាមួយក្លឹប បន្ទាប់ពីធ្វើឱ្យលោក Unai Emery ចាប់អារម្មណ៍គាត់យ៉ាងខ្លាំង។
នៅក្នុងសេចក្តីប្រកាសរបស់ក្លឹប Villa បាននិយាយថា៖ “Aston Villa មានសេចក្តីសោមនស្សរីករាយក្នុងការប្រកាសថា Lamare Bogarde បានចុះកុងត្រាថ្មីជាមួយក្លឹប។ កីឡាករជម្រើសជាតិហូឡង់អាយុក្រោម ២១ឆ្នាំរូបនេះបានលេងអោយក្រុមជាប្រចាំសម្រាប់ក្រុម Villa រដូវកាលនេះ ដោយបង្ហាញខ្លួនបាន ១៦ដងក្នុងការប្រកួតទាំងអស់ រួមទាំង ៤ដងក្នុងក្របខ័ណ្ឌ Champions League ។ កីឡាករដែលមានសមត្ថភាពអាចលេងនៅតំបន់ការពារ និងក្នុងខ្សែបម្រើ Bogarde បានចូលរួមជាមួយក្លឹបនៅរដូវក្តៅឆ្នាំ២០២០ ពី Feyenoord ហើយធ្លាប់ចំណាយពេលខ្ចីជើងជាមួយ Bristol Rovers ។ សូមអបអរសាទរ Lamare!”៕
