បរទេស៖ ក្លឹប Liverpool កំពុងតែបង្កើនចំណាប់អារម្មណ៍របស់ពួកគេទៅលើខ្សែប្រយុទ្ធ Igor Paixao របស់ Feyenoord ខណៈដែលទីផ្សារដោះដូរកីឡាកររដូវក្តៅខិតជិតមកដល់។
យោងតាមការចេញផ្សាយរបស់ CaughtOffside បានអោយដឹងថាក្រុមហង្សក្រហមបានបង្ហាញចំណាប់អារម្មណ៍យ៉ាងខ្លាំងទៅលើទម្រង់លេងរបស់កីឡាករ Paixao ហើយអាចនឹងចាប់ផ្តើមការចរចាជាផ្លូវការក្នុងពេលឆាប់ៗនេះ។ គាត់មានទម្រង់លេងគួរឱ្យកត់សម្គាល់នៅរដូវកាលនេះ ដោយស៊ុតបញ្ចូលទីបាន ១៤គ្រាប់ និងបញ្ជូនបាល់អោយមិត្តរួមក្រុមបញ្ចប់ទីបាន១៣ដងនៅគ្រប់ការប្រកួតទាំងអស់។ ក្លឹប Liverpool មិនមែនជាក្លឹបតែមួយដែលចង់បានខ្សែប្រយុទ្ធរូបនេះទេ ក្នុងនោះក្លឹប Arsenal ក៏ត្រូវបានភ្ជាប់ផងដែរ ខណៈដែលក្រុមអ៊ីតាលី Napoli និង Atalanta ត្រូវបានរាយការណ៍ថាកំពុងតាមដានស្ថានការណ៍យ៉ាងដិតដល់>
