បរទេស៖ នៅមុនការប្រកួត Champions League របស់ Real Madrid ទល់នឹង Arsenal លោក Carlo Ancelotti បានបើកចំហរអំពីអនាគតរបស់គាត់នៅ Santiago Bernabeu ។
ថ្លែងទៅកាន់អ្នកសារព័ត៌មាន បុរសសញ្ជាតិអ៊ីតាលីបាននិយាយថា៖ “ខ្ញុំមិនគិតថាការប្រកួត Arsenal នេះនឹងប៉ះពាល់ដល់អនាគតរបស់ខ្ញុំនៅ Real Madrid នោះទេ។ ខ្ញុំទន្ទឹងរង់ចាំថ្ងៃស្អែក។ រក្សាអារម្មណ៍អោយត្រជាក់ បន្តទៅមុខ វាមិនមែនជាការប្រកួតដ៏ធំដំបូងរបស់ខ្ញុំ ហើយខ្ញុំសង្ឃឹមថាវាមិនមែនជាការប្រកួតចុងក្រោយទេ។ ខ្ញុំពិតជារំភើប”៕
