បរទេស៖ ក្លឹប Manchester United ត្រូវបានព្រមានពីការស្វាគមន៍ Antony ត្រលប់មកវិញ ខណៈដែលខ្សែប្រយុទ្ធប្រេស៊ីល “មើលទៅមិនល្អ” នៅក្នុងប្រទេសអង់គ្លេសនោះទេ បើទោះបីជាទម្រង់លេងនៅកន្លែងផ្សេងរបស់គាត់ល្អក៏ដោយ។
អតីតគ្រូបង្វឹកក្រុម United លោក Rene Meulensteen បានប្រាប់ Action Network ថា “ខ្ញុំនឹងមិននាំគាត់ត្រឡប់មកវិញនោះទេ ប្រាកដណាស់គាត់មើលទៅមិនល្អនោះទេ ហើយទម្រង់លេងរបស់ក្មេងប្រុសនេះត្រូវបានជំរុញដោយបុគ្គលិកលក្ខណៈខុស។ នោះជាបញ្ហារបស់គាត់។ អ្នកមិនអាចប្រៀបធៀប Premier League ជាមួយ La Liga បានទេ។ Premier League គឺខុសគ្នាទាំងស្រុង ហើយវាជាការវិនិច្ឆ័យខុសទាំងស្រុងពី Erik ten Hag ដែលពួកគេបាននាំកីឡាករដែលពួកគេស្គាល់ (ពីមុន) ហើយពួកគេមិនចាំបាច់យល់ពីបរិយាកាសដែលពួកគេនាំកីឡាករទាំងនោះមក។ វាងាយស្រួលក្នុងការក្លាយជាតារាក្នុងលីកហូឡង់ ព្រោះអ្នកមិនអាចប្រៀបធៀប (កម្រិត)។ ខ្ញុំនឹងមិនយកគាត់មកវិញទេ”៕
