បរទេស៖ នេះបើយោងតាមការចេញផ្សាយរបស់អ្នកកាសែត Nicolo Schira បានអោយដឹងថាក្លឹប Bayern Munich ត្រូវបានគេរាយការណ៍ថាកំពុងរៀបចំការផ្ទេរជាផ្លូវការសម្រាប់ខ្សែប្រយុទ្ធ Rafael Leao របស់ AC Milan។ ក្លឹប Bundesliga កំពុងធ្វើការយ៉ាងសកម្មទៅលើការពង្រឹងផ្នែកខាងឆ្វេង ហើយបានកំណត់អត្តសញ្ញាណកីឡាករសញ្ជាតិព័រទុយហ្គាល់ជាអាទិភាពកំពូល។
កីឡាករ Leao ស្ថិតក្រោមកិច្ចសន្យាជាមួយ Milan រហូតដល់ឆ្នាំ២០២៨ ជាមួយនឹងកិច្ចសន្យាបច្ចុប្បន្នដែលមានលក្ខខណ្ឌផ្តាច់កុងត្រា ១៧៥លានអឺរ៉ូ។ ទោះបីជា Bayern ទំនងជាមិនអាចចំណាយនៅតម្លៃផ្តាច់កុងត្រានេះក៏ដោយ ប៉ុន្តែការចរចាអាចចាប់ផ្តើមក្នុងពេលឆាប់ៗនេះ នៅពេលដែលក្រុម Bayern វាយតម្លៃលទ្ធភាពនៃកិច្ចព្រមព្រៀងសម្រាប់ខ្សែបម្រើស្លាបរូបនេះ៕
