បរទេស៖ ក្លឹប Liverpool ត្រូវបានរាយការណ៍ថាកំពុងពិចារណាលើការផ្លាស់ប្តូរតម្លៃ ១០០លានផោនសម្រាប់ខ្សែបម្រើស្លាបរបស់ Newcastle United កីឡាករ Anthony Gordon ខណៈដែលលោក Arne Slot ចាប់ផ្តើមរៀបចំឡើងវិញនៅរដូវក្តៅនេះ។
កីឡាករ Gordon បានធ្វើអោយទាក់ទាញចំណាប់អារម្មណ៍នៅក្លឹប Newcastle កាលពីរដូវកាលមុនដោយការស៊ុតបញ្ចូលទី ៦គ្រាប់ និងបញ្ជូនបាល់អោយមិត្តរួមក្រុមបញ្ចប់ទីបាន ៥ដង។ បើយោងតាមការចេញផ្សាយរបស់ The Sun បានអោយដឹងថាក្លឹប Liverpool កំពុងពិចារណាដាក់សំណើដេញថ្លៃដែលមានតម្លៃប្រមាណ ១០០លានផោន បើទោះបីជាកីឡាករវ័យ ២៤ឆ្នាំរូបនេះបានចុះកិច្ចសន្យាថ្មីជាមួយក្រុមសារិកាព្រៃនៅរដូវកាលនេះក៏ដោយ។ កីឡាករ Gordon ក៏ជាមិត្តជិតស្និទ្ធនឹងខ្សែបម្រើ Curtis Jones របស់ Liverpool ដែរ៕
