បរទេស៖ ក្លឹប Tottenham Hotspur បានប្រកាសពីការចុះហត្ថលេខាលើ Mathys Tel លើការផ្ទេរជាអចិន្ត្រៃយ៍ពី Bayern Munich បន្ទាប់ពីខ្ចីជើងបានជោគជ័យ។
ដំបូងឡើយ Tel បានចុះហត្ថលេខាឱ្យ Spurs ក្នុងលក្ខខ័ណ្ឌខ្ចីជើងពី Bayern សម្រាប់ពាក់កណ្តាលទីពីរនៃយុទ្ធនាការ ២០២៤-២៥ ជាមួយនឹងលក្ខខណ្ឌនៃកិច្ចព្រមព្រៀងនោះរួមទាំងជម្រើសក្នុងការទិញក្នុងតម្លៃប្រហែល ៥០លានផោន ដោយតម្លៃ ១០លានផោនត្រូវបង់មុន។ ទោះបីជាក្លឹបនៅភាគខាងជើងទីក្រុងឡុងដ៍មានការស្ទាក់ស្ទើរក្នុងការបំពេញតាមឃ្លានោះក៏ដោយ ពួកគេបានចរចាឡើងវិញជាមួយ Bayern ហើយអាចទទួលបានតម្លៃចុងក្រោយចុះមកត្រឹម ៣០លានផោនជាមួយនឹង Tel បានចុះហត្ថលេខាលើកុងត្រារយៈពេល ៦ឆ្នាំ៕
