បរទេស៖ លោក Mourinho បានជួបជាមួយអ្នកសារព័ត៌មានកាលពីថ្ងៃពុធមុនការប្រកួតរបស់ Fenerbahce ទល់នឹង United ក្នុងក្របខ័ណ្ឌ Europa League ។ ក្លឹបបិសាចក្រហមបានបន្តតស៊ូក្នុងប៉ុន្មានឆ្នាំចាប់តាំងពីការចាកចេញរបស់គាត់ ប៉ុន្តែគ្រូបង្វឹកសញ្ជាតិព័រទុយហ្គាល់មានទំនុកចិត្តថាអតីតក្រុមរបស់គាត់មួយនេះនឹងអាចទទួលបានជោគជ័យក្នុងពេល “ឆាប់ៗ ឬពេលក្រោយ” ខណៈដែលគាត់បានបង្ហាញពីផែនការរបស់គាត់ក្នុងការវិលត្រឡប់ទៅកាន់ Premier League វិញនៅថ្ងៃណាមួយ។
ក្លឹប United បានបណ្តេញ Mourinho នៅខែធ្នូ ឆ្នាំ២០១៨ បន្ទាប់ពីដឹកនាំក្លឹបអស់រយៈពេល ២ឆ្នាំកន្លះ។ បន្ទាប់មកគាត់បានចំណាយពេលត្រឹមតែ ១៧ខែនៅ Tottenham ហើយគាត់បានឈ្នះពានរង្វាន់ Europa Conference League ជាមួយក្លឹប Roma ឥឡូវនេះបាននឹងកំពុងដឹកនាំក្លឹប Fenerbahce ។ គាត់បានចាប់ផ្តើមជីវិតដល់ពិបាកមួយនៅទួរគី ហើយទម្រង់លេងរបស់គាត់ដូចមិនសមស្របទៅនឹងក្លឹបបច្ចុប្បន្ន ខណៈវិធីសាស្ត្រនេះគឺពេញនិយមសម្រាប់ក្លឹបនៅ Premier League។ ដូច្នេះវាមានការលេចលឺថាគាត់មានការជឿជាក់ថាគាត់អាចនឹងត្រលប់មកកាន់អង់គ្លេសវិញ។
បុរសវ័យ ៦១ឆ្នាំរូបនេះបាននិយាយថា៖ “ប្រហែលជាអ្នកគិតថាខ្ញុំកំពុងនិយាយលេងសើច ឬលេងល្បែងការគិត។ ពួកគេ [United] មានក្រុមល្អជាងលទ្ធផលរបស់ពួកគេទទួលបាន។ យើងមើលអ្វីគ្រប់យ៉ាង មានការងារនៅទីនោះ ហើយមិនយូរមិនឆាប់ពួកគេនឹងជោគជ័យ។ សង្ឃឹមថាឆាប់ៗនេះ ហើយសង្ឃឹមថាមុនពេលខ្ញុំត្រលប់ទៅ Premier League”។
លោក Mourinho មានស្មារតីល្អក្នុងសន្និសិទកាសែតរបស់គាត់ដោយនិយាយថាគាត់នៅតែអាចឈ្នះពាន Premier League ផ្សេងទៀត ប្រសិនជាក្លឹប Manchester City ត្រូវបានដកហូតតំណែង ២០១៧-១៨ របស់ពួកគេ។ គាត់នឹងអស់សង្ឃឹមក្នុងការទទួលបានបីពិន្ទុនៅពេលដែលគាត់ឡើងមកជួប Erik ten Hag នៅកីឡដ្ឋាន Sukru Saracoglu នៅថ្ងៃព្រហស្បតិ៍៕
