បរទេស៖ ក្លឹប West Ham United បានផ្តួចផ្តើមការពិភាក្សាទាក់ទងនឹងការខ្ចីជើងខ្សែប្រយុទ្ធដ៏មានទេពកោសល្យរបស់ក្លឹប Brighton កីឡាករ Evan Ferguson ។
ប្រភពរបស់ Sky Sports News បានអោយដឹងថាក្លឹប Brighton មានឆន្ទៈអនុញ្ញាតឱ្យកីឡាករ Ferguson ចាកចេញក្នុងលក្ខខ័ណ្ឌខ្ចីជើង ដោយបង្កឱ្យមានការចាប់អារម្មណ៍ពីក្លឹបជាច្រើននៅ Premier League ហើយ West Ham ស្ថិតក្នុងចំណោមក្លឹបដែលចង់ធានាសេវាកម្មរបស់ខ្សែប្រយុទ្ធឆ្នើម។
គ្រូបង្វឹកក្រុម West Ham លោក Graham Potter ត្រូវបានគេរាយការណ៍ថាចង់ធ្វើការជាមួយ Ferguson ម្តងទៀត។ អ្នកគ្រប់គ្រងបានដើរតួយ៉ាងសំខាន់ក្នុងអាជីពរបស់ខ្សែប្រយុទ្ធរូបនេះ ដោយផ្តល់តំណែងមួយសម្រាប់គាត់កាលលោក Potter នៅដឹកនាំក្លឹប Brighton៕
