បរទេស៖ បិសាចក្រហមបានយល់ព្រមចែកផ្លូវជាមួយយុវជនដែលចេញពីសាលាបាលទាត់របស់ខ្លួនកីឡាករ Mason Greenwood កាលពីរដូវក្តៅឆ្នាំ២០២៤។ គាត់ត្រូវបានគេអនុញ្ញាតឱ្យកីឡាកររូបនេះខ្ចីជើងទៅកាន់ Getafe នៅ La Liga មុនពេលអនុញ្ញាតអោយគាត់ចាកចេញជាអចិន្ត្រៃយ៍ទៅកាន់ប្រទេសបារាំងក្នុងកិច្ចព្រមព្រៀង ២៧លានផោន។
កីឡាករ Greenwood បានរីករាយនឹងយុទ្ធនាការដំបូងរបស់ខ្លួននៅ Stade Velodrome ដោយបានស៊ុតបញ្ចូលទី ១៥គ្រាប់នៅ Ligue 1 ប៉ុន្តែសកម្មភាពរបស់គាត់បានចោទជាសំនួរសម្រាប់គ្រូបង្វឹក Marseille លោក Roberto De Zerbi នៅពេលចុងក្រោយ។ ជម្លោះដែលត្រូវបានគេសន្មត់ថាបានជំរុញឱ្យមានការរំពឹងទុកទាក់ទងនៃការចាកចេញទៅកាន់កន្លែងផ្សេងរបស់កីឡាកររូបនេះ។
ក្លឹបមកពីទូទាំងទ្វីបអឺរ៉ុប រួមទាំង Paris Saint-Germain និង Barcelona ត្រូវបានផ្សារភ្ជាប់ជាមួយនឹង Greenwood ។ ក្នុងករណីមានការផ្ទេរណាមួយកើតឡើងនោះក្លឹប United នឹងទទួលបានប្រាក់ ៥០% នៃថ្លៃផ្ទេរ ដែលនេះជាលក្ខខណ្ឌដែលក្លឹបបិសាចក្រហមបានដាក់បញ្ចូលទៅក្នុងកុងត្រាផ្ទេររបស់ Greenwood ទៅកាន់ក្លឹប Marseille។
លោក Ruben Amorim អាចនឹងប្រើប្រាស់ថវិកាទាំងនោះនៅមុនរដូវកាលបន្ទាប់ ខណៈដែលគាត់ព្យាយាមធ្វើការកែតម្រូវក្រុម ប៉ុន្តែ United ត្រូវបានព្រមានថានិងមានឪកាសតិចតូចចំពោះការទទួលបានថវិកា ទាក់ទងនឹងពាក់ចចាមអារ៉ាមការលក់ Greenwood ពិក្លឹបនៅបារាំង។ លោក Fabrizio Romano បានប្រាប់ GIVEMESPORT ថា “មានពាក្យចចាមអារ៉ាមជាច្រើន ប៉ុន្តែមិនមានអ្វីត្រូវបានសម្រេចក្នុងដំណាក់កាលនេះសម្រាប់ Greenwood ទេ។ សូម្បីតែការចរចាក៏មិនមានកើតឡើងជាមួយក្លឹបផ្សេងទៀតផងដែរ”។
កីឡាករ Greenwood បានចុះហត្ថលេខាលើកិច្ចសន្យារយៈពេល ៥ឆ្នាំនៅពេលគាត់ទៅចូលរួមជាមួយក្លឹប Marseille ។ លក្ខខណ្ឌទាំងនោះអាចអោយគាត់ស្នាក់នៅទឹកដីបារាំងដល់ឆ្នាំ២០២៩ មានន័យថាអាជីពបច្ចុប្បន្នរបស់គាត់មិនស្ថិតក្រោមសម្ពាធក្នុងការលក់ ប្រសិនបើការទាមទាររបស់ពួកគេមិនត្រូវបានបំពេញ ដែលវាអាចធ្វើអោយក្លឹប United មានការខកចិត្តដែលអាចនឹងទទួលបានថវិកាពីរឿងនេះ៕
