បរទេស៖ នេះបើយោងតាមការចេញផ្សាយរបស់ Daily Mail បានអោយដឹងថាក្លឹប Newcastle United, Tottenham, West Ham, Arsenal, Chelsea, Manchester United និង Liverpool ចាប់អារម្មណ៍ក្នុងការចុះហត្ថលេខាលើកីឡាករសញ្ជាតិកាណាដានៅរដូវក្តៅនេះ។ ទោះបីជាយ៉ាងណាក៏ដោយប្រភពដដែលបានបន្ថែមអោយដឹងថាក្លឹប Barcelona, Atletico Madrid, Inter Milan និង Juventus ក៏កំពុងរក្សាការចាប់អារម្មណ៍លើគាត់ផងដែរ ខណៈដែលគាត់ចូលប៉ុន្មានខែចុងក្រោយនៃកុងត្រារបស់ខ្លួនជាមួយក្លឹប Lille។
កីឡាករ David ហាក់ដូចជាក្លាយជាខ្សែប្រយុទ្ធម្នាក់ក្នុងចំណោមខ្សែប្រយុទ្ធដែលក្លឹបជាច្រើននៅតំបន់អឺរ៉ុបចង់បាន បន្ទាប់ពីគាត់ស៊ុតបញ្ចូលទីបាន ១០៧គ្រាប់ក្នុង ២២៤ប្រកួតសម្រាប់ក្លឹប Lille ចាប់តាំងពីចុះហត្ថលេខាមកចូលរួមក្នុងឆ្នាំ២០២០។ គាត់មិនទាន់បានចុះហត្ថលេខាលើកិច្ចព្រមព្រៀងថ្មីនៅឡើយទេ ហើយហាក់ដូចជាមានបំណង់ចង់ក្លាយជាកីឡាករដែលគ្មានតម្លៃខ្លួននៅចុងបញ្ចប់នៃរដូវកាលនេះ។ ប្រសិនបើវាកើតឡើង វាហាក់ដូចជាគាត់នឹងមិនខ្វះជម្រើសក្នុងការទៅចូលរួមជាមួយនោះទេ។
ទោះបីជាមានការចាប់អារម្មណ៍ពីក្លឹបនៅ Premier League ក៏ដោយ កីឡាករ David បាននិយាយកាលពីដើមខែថាគាត់មើលមិនឃើញអនាគតរបស់គាត់នៅក្នុងប្រទេសអង់គ្លេសទេ។
ថ្លែងទៅកាន់ It’s Called Soccer podcast កីឡាករវ័យ ២៥ឆ្នាំរូបនេះបាននិយាយថា៖ “ខ្ញុំគិតថាខ្ញុំអាចសម្របបានគ្រប់លីក។ លីកនីមួយៗមានភាពខុសគ្នា។ Premier League គឺលឿនជាង និងខ្លាំងជាងលីគដទៃទៀត។ ប៉ុន្តែសម្រាប់ខ្ញុំ ខ្ញុំធំឡើងមើល La Liga ច្រើន ហើយសម្រាប់ខ្ញុំ នោះជាលីកដែលខ្ញុំចូលចិត្ត។ នោះគឺជាលីកដែលខ្ញុំចូលចិត្តមើលខ្លាំងជាងគេ ដូច្នេះនៅ មួយថ្ងៃៗខ្ញុំចង់លេងនៅទីនោះ”។
ក្រៅពីការរំពឹងទុកនៃការផ្ទេរ កិឡាករ David អាចនឹងបង្ហាញខ្លួនសម្រាប់ក្លឹប Lille ក្នុងការប្រកួតថ្ងៃអាទិត្យ នៅពេលដែលពួកគេប្រកួតជាមួយ Lens នៅក្របខណ្ឌ Ligue 1៕
