Arsenal ក្លាយជាបេក្ខភាពក្លឹបមួយដែលចង់បានកីឡាករ Rodrygo

បរទេស៖ នេះបើយោងតាមការចេញផ្សាយរបស់ TalkSPORT បានអោយដឹងថាក្លឹប Arsenal កំពុងព្យាយាមចុះហត្ថលេខាលើខ្សែបម្រើស្លាបថ្មីដើម្បីជួយពួកគេបញ្ចប់ភាពរាំងស្ងួតនៃទទួលពានរង្វាន់Premier League ហើយកីឡាករម្នាក់ដែលស្ថិតក្រោមការពិចារណាគឺ Rodrygo ។ ពួកគេបន្ថែមថា កីឡាករសញ្ជាតិប្រេស៊ីលរូបនេះ ត្រូវបានគេគិតថា “មិនសប្បាយចិត្ត” នៅ Santiago Bernabeu ខណៈដែលគាត់កំពុងលេងជាកីឡាករបម្រុងទី២ នៅពីក្រោយកីឡាករ Kylian Mbappe និង Vinicius Junior ហើយការផ្ទេរទៅកាន់ក្លឹបកាំភ្លើងធំគឺជា “លទ្ធភាពអាចកើតឡើង” ។

ប្រភពដដែលបានអោយដឹងថាក្លឹប Real Madrid បានត្រៀមខ្លួនជាស្រេចក្នុងការលក់កីឡាកររូបនេះក្នុងតម្លៃ ៨៥លានផោន ខណៈដែលក្លឹប Manchester City និង Liverpool ក៏បានបញ្ជាក់អំពីការចាប់អារម្មណ៍ទៅលើកីឡាករវ័យ ២៤ឆ្នាំនេះដូចគ្នា។ ទោះជាយ៉ាងណាក៏ដោយ គាត់បានច្រានចោលការចំពោះព័ត៌មាននៃការចាកចេញពីក្លឹប ដែលនេះបង្ហាញអោយឃើញថាការចាកចេញរបស់គាត់អាចនឹងមិនទាន់មកដល់នោះទេ។

អ្នកឆ្លើយឆ្លងព័ត៌មានអេស្បាញ ESPN លោក Sam Marsden បាននិយាយថា “មានច្រើនជាងការផ្ដល់យោបល់មួយ” Rodrygo អាចចាកចេញពី Madrid នៅរដូវក្តៅនេះ។

គាត់បានប្រាប់ talkSPORT ថា “ខ្ញុំគិតថា Real Madrid ត្រូវតែធ្វើការសម្រេចចិត្តដ៏ធំមួយនៅរដូវក្តៅនេះ។ Rodrygo ហាក់ដូចជាត្រូវបានរុញច្រានទៅកាន់ច្រកចេញ ខ្ញុំគិតថា Rodrygo ម្នាក់ ឬសូម្បីតែ Vinicius Jr ត្រូវតែចាកចេញ។ Rodrygo បានបញ្ជាក់យ៉ាងច្បាស់ថាគាត់ចង់លេងនៅខាងឆ្វេង គាត់កំពុងលេងខាងស្តាំនៅ Real Madrid ដូច្នេះគាត់គឺជាអ្នកដែលច្បាស់បំផុតដែលត្រូវចាកចេញ។ ប៉ុន្តែ Vinicius Jr អាចជាកញ្ចប់ប្រាក់ធំ ហើយអាចជួយដោះស្រាយនៅបញ្ហាខ្លះដែល ពីព្រោះពួកគេមានបញ្ហារវាង Vinicius Jr, Mbappe, [Jude] Bellingham នៅក្នុងភាពងងឹត។ ប្រហែលជា Xabi Alonso អាចធ្វើវាបាន ប៉ុន្តែវាមិនដំណើរការទាល់តែសោះក្នុងរដូវកាលនេះ”។

ក្រៅពីការរំពឹងទុកនៃការផ្ទេរ មនុស្សជាច្រើននឹងចាប់អារម្មណ៍ក្នុងការមើលថាតើកីឡាករ Rodrygo ចាប់ផ្តើមសម្រាប់ក្លឹប Madrid ក្នុងការប្រកួតបន្ទាប់របស់ពួកគេក្រៅទឹកដីជាមួយក្រុម Sevilla ក្នុង La Liga នៅថ្ងៃអាទិត្យដែរឬទេ៕