បរទេស៖ ការផ្លាស់ប្តូររបស់ Martin Zubimendi ទៅកាន់ Arsenal ប្រហែលជាមិនទាន់បានសម្រេចនោះទេ បន្ទាប់ពីមានរបាយការណ៍ថ្មីថាគាត់មិនទាន់បានធ្វើដំណើរទៅទីក្រុងឡុងដ៍ដើម្បីពិនិត្យសុខភាពនៅឡើយទេ។
តិចជាងមួយថ្ងៃបន្ទាប់ពីមានសេចក្តីរាយការណ៍ថាតារាឆ្នើមរបស់ក្លឹប Real Sociedad ត្រូវបានរៀបចំធ្វើតេស្តសុខភាពមុនពេលចូលរួមជាមួយក្រុម Arsenal ក្នុងតម្លៃ ៥១លានផោន ហើយបើយោងតាមការចេញផ្សាយរបស់ Cope បានអោយដឹងថាប្រភពជិតស្និទ្ធនឹងកីឡាកររូបនេះបានប្រាប់ថា ការធ្វើតេស្តសុខភាពសម្រាប់ Martin Zubimendi នៅមិនទាន់បានកំណត់ពេលនោះទេ។ គិតត្រឹមរសៀលថ្ងៃពុធ តារាវ័យ ២៦ឆ្នាំរូបនេះកំពុងសម្រាកកាយនៅឆ្នេរ Zurriola ក្នុងទីក្រុង San Sebastian៕
