Pochettino ឆ្លើយយ៉ាងនេះជុំវិញរឿង Chelsea ចង់បានខ្សែប្រយុទ្ធ Brighton

បរទេស៖ អ្នកចាត់ការក្លឹប Chelsea លោក Mauricio Pochettino បានឆ្លើយតបទៅនឹងការអះអាងថាក្លឹប Chelsea ចាប់អារម្មណ៍ចង់ចុះហត្ថលេខាយកខ្សែប្រយុទ្ធ Evan Ferguson ដោយលោក Pochettino បានរក្សាភាពស្ងប់ស្ងាត់ចំពោះពាក្យចចាមអារ៉ាមនេះ ហើយបានបដិសេធមិនធ្វើការពិភាក្សាច្រើនទៅលើខ្សែប្រយុទ្ធវ័យក្មេងរូបនេះ។

លោក Pochettino បាននិយាយថា៖ “ទេខ្ញុំមិននិយាយអំពីពាក្យចចាមអរ៉ាមនេះទេ ដោយខ្ញុំមានការគោរព។ ពួកយើងមិននិយាយអំពីវានោះទេ។ យើងកំពុងវាយតម្លៃក្រុម ហើយប្រសិនបើមានអ្វីកើតឡើង យើងនឹងទំនាក់ទំនង”៕